നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • ഹൈടെക്ക് ഓട്ടോറിക്ഷ; ചെന്നൈയിലെ യാത്രക്കാർക്കായി വാഹനത്തിൽ ടിവി മുതൽ ഫ്രിഡ്ജ് വരെ

    ഹൈടെക്ക് ഓട്ടോറിക്ഷ; ചെന്നൈയിലെ യാത്രക്കാർക്കായി വാഹനത്തിൽ ടിവി മുതൽ ഫ്രിഡ്ജ് വരെ

    ചെന്നൈ സ്വദേശിയായ അണ്ണാ ദുരൈ സ്വന്തം ഓട്ടോറിക്ഷയെ ഹൈടെക്ക് ആക്കി മാറ്റിയാണ് വാർത്തകളിൽ ഇടം പിടിച്ചിരിക്കുന്നത്. ഒരു ഓട്ടോറിക്ഷയെ ഇങ്ങനെ ഹൈടെക്ക് ആക്കാനാകുമോ എന്ന് തോന്നി പോകും അണ്ണാ ദുരൈയുടെ ഓട്ടോ കണ്ടാൽ.

    News18 Malayalam

    News18 Malayalam

    • Share this:
      ചെന്നൈ: കഴിഞ്ഞ ഒന്നര വർഷത്തിനിടയിൽ നിരവധി ഓട്ടോറിക്ഷ ഡ്രൈവർമാർ തങ്ങളുടെ വാഹനത്തെ വ്യത്യസ്തമായ രീതിയിൽ നവീകരിച്ച് വാർത്തകളിൽ ഇടം നേടിയിരുന്നു. ശ്വാസ തടസ്സം നേരിടുന്ന കോവിഡ് രോഗികൾക്ക് ആശുപത്രിയിൽ എത്തുന്നതിനുമുമ്പ് ആശ്വാസം ലഭിക്കുന്നതിനായി ഓട്ടോയിൽ ഓക്സിജൻ സിലിണ്ടറുകൾ സ്ഥാപിച്ച് നിരവധി പേർ ജനശ്രദ്ധ നേടി. മാസ്കുകൾ, സാനിറ്റൈസറുകൾ, കോവിഡുമായി ബന്ധപ്പെട്ട മറ്റ് മുൻകരുതലുകൾ എന്നിവ വാഹനത്തിൽ സൂക്ഷിച്ചിരുന്ന ഓട്ടോറിക്ഷ ഡ്രൈവർമാരും നിരവധിയാണ്.

      എന്നാൽ ചെന്നൈ സ്വദേശിയായ അണ്ണാ ദുരൈ സ്വന്തം ഓട്ടോറിക്ഷയെ ഹൈടെക്ക് ആക്കി മാറ്റിയാണ് വാർത്തകളിൽ ഇടം പിടിച്ചിരിക്കുന്നത്. ഒരു ഓട്ടോറിക്ഷയെ ഇങ്ങനെ ഹൈടെക്ക് ആക്കാനാകുമോ എന്ന് തോന്നി പോകും അണ്ണാ ദുരൈയുടെ ഓട്ടോ കണ്ടാൽ. ഹ്യൂമൻസ് ഓഫ് ബോംബെ എന്ന ഇൻസ്റ്റാഗ്രാം പേജാണ് ആദ്യമായി അണ്ണാ ദുരൈയുടെ ഓട്ടോറിക്ഷയുടെ ഒരു വീഡിയോ ക്ലിപ്പ് പുറത്തുവിട്ടത്. ഇതോടെ ദുരൈയുടെ കഥ സോഷ്യൽ മീഡിയയിലും മറ്റും വൈറലായി മാറി. ഈ വീഡിയോ തീർച്ചയായും കാണേണ്ട ഒന്നു തന്നെയാണ്. കാരണം വീഡിയോയിൽ ഓട്ടോയുടെ പ്രത്യേകതകളെക്കുറിച്ച് മാത്രമല്ല അണ്ണാ ദുരൈ എന്ന ചെറുപ്പക്കാരന്റെ പ്രചോദനാന്മകമായ ജീവിതം കൂടിയാണ് വ്യക്തമാക്കുന്നത്.

      Also Read- ഇന്ത്യയിലെ ഏറ്റവും വില കൂടിയ മീൻ; കിലോയ്ക്ക് 17,000 രൂപ വരെ; ഗോദാവരിയിൽ 'പുലാസ' സീസൺ

      സാമ്പത്തിക പ്രതിസന്ധി കാരണം പഠനം തുടരാൻ കഴിയാത്തതിനെക്കുറിച്ചും ദുരൈ വീഡിയോയിൽ പങ്കുവെക്കുന്നുണ്ട്. ഇക്കാര്യത്തെക്കുറിച്ച് ഓർത്ത് നിരാശപ്പെടുന്നതിനുപകരം, തന്റെ സമ്പാദ്യം എങ്ങനെ തിരികെ നേടാമെന്നതിനെക്കുറിച്ചാണ് ഈ ചെറുപ്പക്കാരൻ ചിന്തിക്കുന്നത്. തന്റെ ഓട്ടോറിക്ഷയെ നഗരത്തിലെ ഏറ്റവും മികച്ച ഓട്ടോറിക്ഷയാക്കി മാറ്റുക എന്ന ലക്ഷ്യത്തോടെയാണ് ഓട്ടോയിൽ ഇത്രയധികം മാറ്റങ്ങൾ വരുത്തിയതെന്ന് ദുരൈ പറയുന്നു. മാസ്കുകൾ, സാനിറ്റൈസർ, ഒരു മിനി ഫ്രിഡ്ജ്, ഐപാഡ്, ടിവി എന്നിവ, വായിക്കാൻ മാഗസിനുകൾ എന്നി സജ്ജീകരിച്ചിരിക്കുന്നതിനാൽ ദുരൈയുടെ വാഹനം ഉപയോക്താക്കൾക്ക് വലിയ ആശ്ചര്യവും പ്രത്യേക യാത്രാനുഭവവുമാണ് വാഗ്ദാനം ചെയ്യുന്നത്.

      ജൂലൈ 15നാണ് ഇൻസ്റ്റാഗ്രാമിൽ ഈ വീഡിയോ ആദ്യമായി പങ്കിട്ടിരിക്കുന്നത്. ഇതുവരെ 13 ലക്ഷം ആളുകൾ വീഡിയോ കണ്ടു. ഒരു വഴിയുമില്ലാത്തപ്പോഴും സ്വപ്നങ്ങളിൽ വിട്ടുവീഴ്ച ചെയ്യാത്തതിന് നിരവധി ആളുകൾ ദുരൈ എന്ന ചെറുപ്പക്കാരനെ പ്രശംസിച്ചു. ദുരൈയുടെ ഹൈടെക് വാഹനത്തിൽ യാത്ര ചെയ്യാൻ പലരും ആഗ്രഹം പ്രകടിപ്പിച്ചിട്ടുമുണ്ട്. യുവാവിന്റെ ശ്രമങ്ങൾ പ്രചോദനകരമാണെന്ന് നിരവധി പേർ കമന്റ് ചെയ്തു.

      Also Read- ആയിരം കിലോ മീൻ, 250 കിലോ പലഹാരം, പത്ത് ആട്; വിവാഹിതയായ മകൾക്ക് പിതാവിന്റെ സമ്മാനം!

      കഴിഞ്ഞ ദിവസം ആശുപത്രിയിലെ അഞ്ചാം നിലയിൽ ഓട്ടോറിക്ഷ എത്തിയ സംഭവം വിവാദമായിരുന്നു. മധ്യപ്രദേശിലെ ചിന്ദ്വാരയിലെ ഒരു ആശുപത്രിയിലാണ് വിചിത്ര സംഭവം അരങ്ങേറിയത്. ആശുപത്രിയിലെ റാംപിലൂടെ ഓട്ടോറിക്ഷ വരുന്ന ചിത്രം ഇതിനോടകം സോഷ്യൽ മീഡിയയിൽ വൈറലായി കഴിഞ്ഞു. ആശുപത്രിയിലേക്കുള്ള സാധന സാമഗ്രികളുമായി എത്തിയ ഓട്ടോറിക്ഷയാണ് അഞ്ചാമത്തെ നിലയിൽ എത്തിയതായി കണ്ടെത്തിയത്. ഓട്ടോറിക്ഷ എങ്ങനെ മുകളിലെത്തിയെന്ന് ആശുപത്രി ജീവനക്കാർക്ക് ഇതുവരെ മനസിലായിട്ടില്ല. സംഭവത്തിൽ അധികൃതർ അന്വേഷണം ആരംഭിച്ചിട്ടുണ്ട്. ആശുപത്രിയിലെ സിസിടിവി ദൃശ്യങ്ങൾ ഉൾപ്പടെ പരിശോധിച്ചു വരികയാണ്.
      Published by:Rajesh V
      First published:
      )}