'യെസ്ഡി' ട്രേഡ്മാർക്ക് വിലക്കുമായി കർണാടക ഹൈക്കോടതി

‘യെസ്ഡി’ ബൈക്കുകളുടെ ട്രേഡ്മാർക്ക് റുസ്തംജി ഗ്രൂപ്പിന്റെയും ക്ലാസിക് ലെജൻഡ്‌സ് പ്രൈവറ്റ് ലിമിറ്റഡ് കമ്പനിയുടെയും ഉടമസ്ഥതയിൽ പെടുന്നതതല്ലെന്നും ഇവർക്ക് ഇത് ഉപയോ​ഗിക്കാനാകില്ലെന്നും കർണാടക ഹൈക്കോടതിയുടെ ഉത്തരവ്. 1991 മുതൽ പ്രവർത്തനരഹിതമായ ഐഡിയൽ ജാവ കമ്പനിയുടെ ഉടമസ്ഥതയിലുള്ളതാണ് ട്രേഡ്മാർക്ക് എന്നും ഉത്തരവിൽ പറയുന്നു. ലേലത്തിലൂടെ യെസ്ഡി ട്രേഡ്മാർക്ക് വിൽക്കുന്നതിൽ നിന്നും റുസ്തംജി ഗ്രൂപ്പിന്റെ ചെയർമാനായ ബൊമൻ ആർ. ഇറാനിയെയും ക്ലാസിക് ലെജൻഡ്‌സിനെയും മഹീന്ദ്ര ആൻഡ് മഹീന്ദ്രയെയും കോടതി വിലക്കി. ‘യെസ്ഡി’ എന്ന വാക്ക് ഒറ്റക്കോ മറ്റു വാക്കുകളുടെ കൂടെ കൂട്ടിച്ചേർത്തോ ഇവർക്ക് ഉപയോ​ഗിക്കാനാകില്ലെന്നും ഉത്തരവിൽ പറയുന്നു.