IRCTC അക്കൗണ്ട് ആധാറുമായി ബന്ധിപ്പിച്ചിട്ടുണ്ടോ? ഇനി മാസം 24 ട്രെയിൻ ടിക്കറ്റുകൾ വരെ ബുക്ക് ചെയ്യാം

നിങ്ങളുടെ ഐആർസിടിസി (IRCTC) അക്കൗണ്ട് ആധാർ (Aadhaar) നമ്പറുമായി ബന്ധിപ്പിച്ചിട്ടുണ്ടോ? എങ്കിൽ ഇനി മുതൽ ഒരു മാസം 24 ട്രെയിൻ ടിക്കറ്റുകൾ (tickets) വരെ നിങ്ങൾക്ക് ബുക്ക് ചെയ്യാൻ കഴിയും. യാത്രക്കാരുടെ സൗകര്യാർത്ഥം ഓൺലൈൻ വഴി ബുക്ക് ചെയ്യാവുന്ന ടിക്കറ്റുകളുടെ പരിധി ഐആർസിടിസി വീണ്ടും ഉയർത്തി. യൂസർ ഐഡിയും (user ID) ആധാറും തമ്മിൽ ബന്ധിപ്പിച്ചിട്ടുള്ളവർക്ക് ഐആർസിടിസി വെബ്‌സൈറ്റിലൂടെയും ആപ്പിലൂടെയും ഇനി മുതൽ ഒരു മാസം 24 ട്രെയിൻ ടിക്കറ്റുകൾ വരെ ബുക്ക് ചെയ്യാൻ കഴിയും എന്ന് റെയിൽവെ മന്ത്രാലയം അറിയിച്ചു. അതേസമയം ആധാർ ലിങ്ക് ചെയ്യാത്തവർക്ക് ഇനി പ്രതിമാസം 12 ടിക്കറ്റുകൾ വരെ ബുക്ക് ചെയ്യാം. ഇതുവരെ അക്കൗണ്ട് ആധാറുമായി ബന്ധിപ്പിച്ചിട്ടുണ്ടെങ്കിൽ പ്രതിമാസം 12 ടിക്കറ്റുകളും ബന്ധിപ്പിച്ചിട്ടില്ലെങ്കിൽ 6 ടിക്കറ്റുകളും ബുക്ക് ചെയ്യാനാണ് ഇതുവരെ ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (ഐആർസിടിസി) അനുവദിച്ചിരുന്നത്.