Xiaomi Electric Car | ഷവോമിയുടെ ഇലക്ട്രിക് കാർ ഉടൻ; പ്രോട്ടോടൈപ്പ് ഓഗസ്റ്റിൽ അവതരിപ്പിക്കും
- Published by:user_57
- news18-malayalam
Last Updated:
ഒരു വർഷം മൂന്നു ലക്ഷം വാഹനങ്ങൾ നിർമിക്കാനാണ് ഷവോമി ഉദ്ദേശിക്കുന്നത്
ചൈനീസ് ടെക് ഭീമനായ ഷവോമി (Xiaomi) ഇലക്ട്രിക് വാഹന (electric vehicle) വിപണിയിലേക്ക് ചുവടു വെയ്ക്കുന്നു. ഓഗസ്റ്റിൽ നടക്കുന്ന ചടങ്ങിൽ ഇലക്ട്രിക് കാറിന്റെ ആദ്യ പ്രോട്ടോടൈപ്പ് പുറത്തിറക്കിയേക്കും എന്നാണ് റിപ്പോർട്ടുകൾ. പ്രോട്ടോടെപ്പ് അവതരിപ്പിക്കാനുള്ള ചടങ്ങുകളെക്കുറിച്ച് ഷവോമി സിഇഒ ലേ ജുൻ (Lei Jun) ചർച്ചകൾ നടത്തി വരികയാണ് .
2021 നവംബറിലാണ്, തങ്ങളുടെ ആദ്യത്തെ ഇലക്ട്രിക് കാർ (electric car) സംബന്ധിച്ച പ്രഖ്യാപനം ഷവോമി നടത്തിയത്. 2024 ൽ തങ്ങളുടെ ആദ്യ ഇലക്ട്രിക് കാർ പുറത്തിറക്കും എന്നായിരുന്നു പ്രഖ്യാപനം.
ഇലക്ട്രിക് കാർ പുറത്തിറക്കുന്നതുമായി ബന്ധപ്പെട്ട പ്രവർത്തനങ്ങൾക്കു മേൽനോട്ടം വഹിച്ച്, ഷവോമിയുടെ ഓട്ടോ ഹെഡ്ക്വാർട്ടേഴ്സിലാണ് ജുൻ ഇപ്പോൾ തന്റെ കൂടുതൽ സമയവും ചെലവഴിക്കുന്നതെന്നും റിപ്പോർട്ടുകളുണ്ട്. അദ്ദേഹം നേരിട്ട് സൂക്ഷ്മ നിരീക്ഷണം നടത്തി, എല്ലാ പരിശോധനകൾക്കും ശേഷം മാത്രമേ വാഹനം വിപണിയിലെത്തിക്കൂ എന്നും കമ്പനി അറിയിച്ചു.
advertisement
എച്ച്വിഎസ്റ്റി ഓട്ടോമൊബൈൽ ഡിസൈൻ (HVST Automobile design) ആണ് ഷവോമിയുടെ ആദ്യത്തെ ഇലക്ട്രിക് കാർ രൂപകൽപന ചെയ്തിരിക്കുന്നത്. വെൽറ്റ്മീസ്റ്റർ മോട്ടോറിനു വേണ്ടി മേവൻ എന്ന കാർ നിർമിച്ച കമ്പനി കൂടിയാണിത്.
ഒരു വർഷം മൂന്നു ലക്ഷം വാഹനങ്ങൾ നിർമിക്കാനാണ് ഷവോമി ഉദ്ദേശിക്കുന്നത്. ഇലക്ട്രിക് വാഹനങ്ങളുടെ നിര്മാണത്തിനായി അടുത്ത 10 വർഷത്തിനുള്ളിൽ 75,395 കോടി രൂപയുടെ (1000 കോടി ഡോളര്) നിക്ഷേപമാണ് ഷവോമി നടത്തുന്നതെന്നും റിപ്പോർട്ടുകൾ ഉണ്ടായിരുന്നു.
എംഐ ലോഗോയും ഇലക്ട്രിക് കാറിൽ ഉണ്ടാകും. വിശ്വസനീയമായ ഒരു ഇലക്ട്രിക് കാർ ബ്രാൻഡ് എന്നതാണ് തങ്ങളുടെ ലക്ഷ്യം എന്നും കമ്പനി അറിയിച്ചു. ചൈനയിലെ ബീജിങ്ങിൽ ഒരു റിസർച്ച് & ഡെവലപ്മെന്റ് ഡിവിഷനും ഒരു ഓട്ടോ ആസ്ഥാനവും ഷവോമി സ്ഥാപിച്ചിട്ടുണ്ട്.
advertisement
A, B എന്നീ രണ്ട് സെഗ്മെന്റുകളായി തങ്ങളുടെ കാറുകൾ അവതരിപ്പിക്കാനാണ് ഷവോമി പദ്ധതിയിടുന്നത്. ആദ്യ സെഗ്മെന്റിൽ എൽ-2 ഓട്ടോണമസ് ഡ്രൈവിംഗ് സപ്പോർട്ട് (L2 autonomous driving support) ഉണ്ടായിരിക്കും. രണ്ടാം സെഗ്മെന്റിൽ എൽ-3 ഓട്ടോണമസ് ഡ്രൈവിംഗ് സപ്പോർട്ട് ആയിരിക്കും (L3 autonomous driving) ഉണ്ടായിരിക്കുക. എൽ3 ഓട്ടോണമസ് ഡ്രൈവിംഗ് കാറുകൾക്ക് വില കൂടുതലായിരിക്കും.
ബീജിങ് ആസ്ഥാനമായി പ്രവർത്തിക്കുന്ന ടെക് കമ്പനിയാണ് ഷവോമി. പുതിയ സംരംഭത്തിലേക്കു കടക്കുന്നതിനു മുൻപായി, കമ്പനിയുടെ ഇലക്ട്രിക് വാഹന വിഭാഗം വലിയ തോതിലുള്ള ഗവേഷണം നടത്തിയതായും ഷവോമി അറിയിച്ചിരുന്നു. ഇലക്ട്രിക് വാഹനം വികസിപ്പിച്ചെടുക്കുന്നതിനും ഇതിനായുള്ള ടീം രൂപീകരിക്കുന്നതിനും നിരവധി വ്യവസായ പ്രമുഖരെയും കമ്പനി ഉദ്യോഗസ്ഥർ സന്ദര്ശിച്ചിരുന്നു.
advertisement
ഓട്ടോണമസ് ഡ്രൈവിങ് സ്ഥാപനമായ ഡീപ് മോഷനെ ഏകദേശം 77.37 ദശലക്ഷം ഡോളറിന് ഷവോമി ഏറ്റെടുത്തിരുന്നു. നിയോ, എക്സ്പെങ് പോലുള്ള സ്റ്റാര്ട്അപ്പുകളും ടെസ്ല, വാറന് ബഫറ്റിന്റെ പിന്തുണയോടെ പ്രവര്ത്തിക്കുന്ന ചൈനീസ് വാഹനനിര്മ്മാതാക്കളായ ബിവൈഡി എന്നിവരോടാണ് കമ്പനി ഇനി മത്സരിക്കേണ്ടത്.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
July 25, 2022 3:04 PM IST
മലയാളം വാർത്തകൾ/ വാർത്ത/Money/
Xiaomi Electric Car | ഷവോമിയുടെ ഇലക്ട്രിക് കാർ ഉടൻ; പ്രോട്ടോടൈപ്പ് ഓഗസ്റ്റിൽ അവതരിപ്പിക്കും