അടുത്ത വർഷം ജനുവരി ഒന്നിന് മുമ്പ് ഡെബിറ്റ്/ക്രെഡിറ്റ് കാർഡുകൾ മാറ്റേണ്ടിവരും

ന്യൂഡൽഹി: 2019 ജനുവരി ഒന്ന് മുതൽ നിലവിലുള്ള ഡെബിറ്റ്/ക്രെഡിറ്റ് കാർഡുകളിൽ ചിലത് പ്രവർത്തിക്കില്ലെന്ന് സൂചന. റിസർവ്വ് ബാങ്ക് മുമ്പ് പുറത്തിറക്കിയ മാർഗനിർദേശം അനുസരിച്ച് മാഗ്നറ്റിക് ചിപ്പുള്ള(മാഗ്സ്ട്രിപ്പ്) ഡെബിറ്റ്/ക്രെഡിറ്റ് കാർഡുകൾ മാറ്റി പകരം പിൻ നമ്പരിൽ അധിഷ്ഠിതമായതോ ഇഎംവി ചിപ്പ് ഉള്ളതോ ആയ കാർഡുകൾ നൽകണമെന്നുണ്ട്. 2015 ഓഗസ്റ്റ് 27നാണ് ഇക്കാര്യം റിസർവ്വ് ബാങ്ക് അറിയിച്ചിട്ടുള്ളത്. കാർഡുകൾ മാറ്റിനൽകാൻ മൂന്നുവർഷം ബാങ്കുകൾക്ക് നൽകുകയും ചെയ്തിരുന്നു. മാഗ്നറ്റിക് ചിപ്പുള്ള കാർഡുകളെ അപേക്ഷിച്ച് കൂടുതൽ സുരക്ഷാസംവിധാനങ്ങളുള്ള ഇഎംവി കാർഡുകൾ ഇപ്പോൾ പ്രചാരത്തിലായി വരുന്നുണ്ട്. എന്നാൽ മാഗ്നറ്റിക് ചിപ്പുള്ള കാർഡുകൾ പൂർണമായി മാറ്റി നൽകാൻ ബാങ്കുകൾക്ക് ഇതുവരെ സാധിച്ചിട്ടില്ല.