ITR ഫയലിംഗ് 2023: ആദായ നികുതി റിട്ടേൺ ഫയൽ ചെയ്യേണ്ടത് എങ്ങനെ? ഓർമിക്കേണ്ട കാര്യങ്ങൾ

2022-23 സാമ്പത്തിക വർഷത്തെ ആദായ നികുതി റിട്ടേൺ (Income Tax Return) ഫയൽ ചെയ്യേണ്ട സമയമായിരിക്കുന്നു. വ്യക്തികൾക്ക് അവരുടെ ആദായ നികുതി റിട്ടേണുകൾ (ITR) സ്വന്തമായി ഫയൽ ചെയ്യാൻ സാധിക്കും. സമീപ കാലത്ത് ഈ പ്രക്രിയ വളരെ ലളിതമാക്കി നികുതിദായകരെ സഹായിക്കാൻ സർക്കാർ വിവിധ ഓൺലൈൻ പോർട്ടലുകളും സൗകര്യങ്ങളും കൊണ്ടു വന്നിട്ടുണ്ട്. ഐടിആർ ഫയൽ ചെയ്യുന്നതിന് ആവശ്യമായ എല്ലാ രേഖകളും വിവരങ്ങളും നിങ്ങൾ ശേഖരിക്കേണ്ടതുണ്ട് എന്നതാണ് പ്രധാനം. തുടർന്ന് നിങ്ങൾക്ക് ആദായനികുതി വകുപ്പിന്റെ ഇ-ഫയലിംഗ് വെബ്‌സൈറ്റ് (https://www.incometax.gov.in/iec/foportal/) സന്ദർശിക്കുകയും നിങ്ങളുടെ റിട്ടേൺ ഓൺലൈനായി ഫയൽ ചെയ്യുന്നതിന് ഘട്ടം ഘട്ടമായുള്ള നിർദ്ദേശങ്ങൾ പാലിക്കുകയും ചെയ്യാം. നിങ്ങൾക്ക് സ്വന്തമായി ആദായ നികുതി റിട്ടേൺ ഫയൽ ചെയ്യാം. അതേസമയം നിങ്ങളുടെ ഐടിആർ സ്വയം ഫയൽ ചെയ്യുന്നതിൽ നിങ്ങൾക്ക് എന്തെങ്കിലും ബുദ്ധിമുട്ട് ഉണ്ടെങ്കിൽ നിങ്ങൾക്ക് ഒരു ടാക്സ് പ്രൊഫഷണലിൽ നിന്നും സഹായം തേടാവുന്നതാണ്. പക്ഷെ അപ്പോൾ ഈ സേവനങ്ങൾക്ക് നിങ്ങൾ ഒരു ഫീസ് നൽകേണ്ടി വരും.