Kerala Budget 2025| 15 വര്ഷം കഴിഞ്ഞ സ്വകാര്യ വാഹനങ്ങളുടെ നികുതി 50% വര്ധിപ്പിച്ചു; ഇരുചക്രവാഹനങ്ങള്ക്കും ബാധകം
- Published by:Rajesh V
- news18-malayalam
Last Updated:
15 വര്ഷം കഴിഞ്ഞ മോട്ടോര് സൈക്കിളുകളുടെയും സ്വകാര്യ ആവശ്യത്തിന് ഉപയോഗിക്കുന്ന മുച്ചക്രവാഹനങ്ങളുടെയും മോട്ടോര് കാറുകളുടെയും നികുതിയിലാണ് മാറ്റം വരുത്തുന്നത്. ഇതിലൂടെ 55 കോടി രൂപയുടെ അധിക വരുമാനമാണ് സര്ക്കാര് ലക്ഷ്യംവക്കുന്നത്.
തിരുവനന്തപുരം: പഴക്കം ചെന്ന വാഹനങ്ങളുടെ ഉപയോഗം നിരുത്സാഹപ്പെടുത്തുന്നതിന് 15 വര്ഷം കഴിഞ്ഞ സ്വകാര്യ വാഹനങ്ങളുടെ നികുതി 50 ശതമാനം വർധിപ്പിക്കുമെന്ന് ധനമന്ത്രി കെ എൻ ബാലഗോപാലിന്റെ ബജറ്റ് പ്രഖ്യാപനം. 15 വര്ഷം കഴിഞ്ഞ മോട്ടോര് സൈക്കിളുകളുടെയും സ്വകാര്യ ആവശ്യത്തിന് ഉപയോഗിക്കുന്ന മുച്ചക്രവാഹനങ്ങളുടെയും മോട്ടോര് കാറുകളുടെയും നികുതിയിലാണ് മാറ്റം വരുത്തുന്നത്. ഇതിലൂടെ 55 കോടി രൂപയുടെ അധിക വരുമാനമാണ് സര്ക്കാര് ലക്ഷ്യംവക്കുന്നത്.
കാലപ്പഴക്കം ചെന്ന വാഹനങ്ങള് മൂലം ഉണ്ടാകുന്ന അന്തരീക്ഷ മലിനീകരണം പരമാവധി കുറയ്ക്കുന്നതിന് നിരവധി പദ്ധതികള് കേന്ദ്ര- സംസ്ഥാന സര്ക്കാരുകള് സ്വീകരിച്ച് വരികയാണ്. ഇതിന്റെ ഭാഗമായി 15 വര്ഷം കഴിഞ്ഞ സര്ക്കാര് വാഹനങ്ങള് പൊളിക്കുന്നതിന് സര്ക്കാര് സ്ക്രാപ്പിങ് പോളിസി പ്രഖ്യാപിച്ചിട്ടുണ്ട്. എന്നാല് നിലവില് 15 വര്ഷം കഴിഞ്ഞ സ്വകാര്യ വാഹനങ്ങള്ക്ക് ഈ നിബന്ധന ബാധകമാക്കിയിട്ടില്ല. ഈ പശ്ചാത്തലത്തിലാണ് പഴക്കം ചെന്ന സ്വകാര്യ വാഹനങ്ങളുടെ തുടരുപയോഗം നിരുത്സാഹപ്പെടുത്താന് നികുതി വര്ധിപ്പിച്ചതെന്ന് ധനമന്ത്രി കെ എന് ബാലഗോപാല് വ്യക്തമാക്കി.
advertisement
ഇലക്ട്രിക് വാഹനങ്ങളുടെ നികുതി വര്ധിപ്പിച്ചു
സംസ്ഥാനത്ത് ഇലക്ട്രിക് വാഹനങ്ങളുടെ നികുതി വര്ധിപ്പിച്ചു. 15 ലക്ഷത്തിന് മുകളില് വിലയുള്ള ഇലക്ട്രിക് വാഹനങ്ങള്ക്ക് വാഹന വിലയുടെ 8 ശതമാനം നികുതിയും 20 ലക്ഷത്തിന് മുകളില് വിലയുള്ള ഇലക്ട്രിക് വാഹനങ്ങള്ക്ക് വാഹന വിലയുടെ 10 ശതമാനം നികുതിയും ബാറ്ററി വാടകയ്ക്ക് ലഭ്യമാകുന്ന ഇലക്ട്രിക് വാഹനങ്ങള്ക്ക് വാഹനവിലയുടെ 10 ശതമാനം നികുതിയും ഈടാക്കുന്നതാണെന്ന് ധനമന്ത്രി കെ എന് ബാലഗോപാല് ബജറ്റ് പ്രസംഗത്തില് അറിയിച്ചു. നിലവില് അഞ്ചുശതമാനമാണ് നികുതി.
advertisement
ഈ നികുതി വര്ധനയിലൂടെ 30 കോടി രൂപയുടെ അധിക വരുമാനമാണ് പ്രതീക്ഷിക്കുന്നത്. ഇലക്ട്രിക് വാഹനങ്ങള്ക്ക് ഒറ്റത്തവണ നികുതിയായി 15 വര്ഷത്തേയ്ക്ക് ഈടാക്കി വരുന്ന അഞ്ചു ശതമാനം നികുതിയാണ് പുനഃക്രമീകരിച്ചത്. നാല് ചക്രങ്ങളുള്ള സ്വകാര്യ ആവശ്യത്തിന് ഉപയോഗിക്കുന്ന ഇലക്ട്രിക് വാഹനങ്ങളുടെ ഒറ്റത്തവണ നികുതിയാണ് വര്ധിപ്പിച്ചത്.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Feb 07, 2025 1:06 PM IST
മലയാളം വാർത്തകൾ/ വാർത്ത/Money/
Kerala Budget 2025| 15 വര്ഷം കഴിഞ്ഞ സ്വകാര്യ വാഹനങ്ങളുടെ നികുതി 50% വര്ധിപ്പിച്ചു; ഇരുചക്രവാഹനങ്ങള്ക്കും ബാധകം
