Kerala Budget 2026: എം സി റോഡിലെ 77 കിലോമീറ്ററിൽ നഷ്ടമാകുന്ന ഒരു മണിക്കൂർ ലാഭിക്കാൻ 6 പട്ടണങ്ങളിൽ ബൈപാസ്

കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, പന്തളം, കൊട്ടാരക്കര, ആയൂർ, ചടയമംഗലം, നിലമേൽ, കിളിമാനൂർ, വെഞ്ഞാറമൂട്, വെമ്പായം, വട്ടപ്പാറ, പോത്തൻകോട് തുടങ്ങി എല്ലാ ടൗണുകളും ചേർന്ന് ഒരു യാത്രയിൽ നഷ്ടമാക്കുന്ന സമയം മണിക്കൂറുകൾ വരും. കോവിഡിന് ശേഷം ഇത് സഹിക്കാവുന്നതിലും അധികമായി. ഇതിന് പരിഹാരമെന്ന നിലയിലാണ് എം സി റോഡിന്റെ വികസനവും ബൈപാസുകളുടെ നിർ‌മാണവും ധനമന്ത്രി കെ എൻ ബാലഗോപാൽ ബജറ്റിൽ പ്രഖ്യാപിച്ചത്.

എം സി റോഡ്‌ വികസനം ആദ്യ ഘട്ട പദ്ധതിയാണ് ബജറ്റിൽ പ്രഖ്യാപിച്ചത്. 5317 കോടി രൂപ കിഫ്‌ബി വഴി ഇതിനായി വകയിരുത്തിയെന്ന് ധനമന്ത്രി അറിയിച്ചു. പദ്ധതി ആദ്യ ഘട്ടത്തിൽ കിളിമാനൂര്‍, നിലമേല്‍, ചടയമംഗലം, ആയൂര്‍, പന്തളം, ചെങ്ങന്നൂര്‍ ബൈപാസുകളുടെ നിർമാണവും വിവിധ ജംഗ്‌ഷനുകളുടെ വികസനവും നടപ്പിലാക്കും. തിരുവനന്തപുരം മുതൽ അങ്കമാലി വരെ 24 മീറ്റർ വീതിയിൽ എം സി റോഡ് നാലുവരി പാതയായി പുനർനിർ‌മിക്കുമെന്നാണ് പ്രഖ്യാപനം.

എം സി റോഡിൽ ധനമന്ത്രിയുടെ മണ്ഡലമായ കൊട്ടാരക്കരയിൽ ഗതാഗത കുരുക്ക് പരിഹരിക്കുന്നതിനായി ബൈപാസ് നിർമാണത്തിന് ഇതിനകം 110.36 കോടി രൂപ നൽകിയിട്ടുണ്ടെന്ന് മന്ത്രി അറിയിച്ചു. ഇതിനായി ഭൂമി ഏറ്റെടുക്കൽ നടപടികൾ ദ്രുതഗതിയിൽ നടക്കുകയാണെന്നും മന്ത്രി അറിയിച്ചു.

Summary: To address the chronic traffic congestion in major towns between Thiruvananthapuram and Ettumanoor, Finance Minister K.N. Balagopal has announced a massive development project for the MC Road. The project aims to save at least one hour of travel time currently lost in traffic snarls. Commuters traveling the 160-km stretch between Thiruvananthapuram and Ettumanoor have long complained of losing nearly 1.5 hours due to congestion.