Petrol Diesel Price | മാറ്റമില്ലാതെ ഇന്ധനവില; രാജ്യത്തെ പ്രധാന നഗരങ്ങളിലെ പെട്രോൾ, ഡീസൽ വില അറിയാം

മാർച്ച് 22 ന് പ്രതിദിന വില വർധനവ് പുനരാരംഭിച്ച ശേഷം പെട്രോളിനും ഡീസലിനും 14 തവണ വില വർധിച്ചിട്ടുണ്ട്. ലിറ്ററിന് ഏകദേശം 10 രൂപയാണ് ഇക്കാലയളവിലുണ്ടായത്. ഏപ്രിൽ 6 മുതൽ ഇന്ധനവില മാറ്റമില്ലാതെ തുടരുകയാണ്. ലിറ്ററിന് 80 പൈസയുടെ വർധനവാണ് അവസാനമാണുണ്ടായത്.

ഡൽഹി: പെട്രോൾ വില ലിറ്ററിന് 105.41 രൂപ, ഡീസൽ വില: ലിറ്ററിന് 96.67 രൂപ.

ചെന്നൈ: പെട്രോൾ വില ലിറ്ററിന് 110.85 രൂപ, ഡീസൽ വില: 100.94 രൂപ.

കൊൽക്കത്ത: പെട്രോൾ വില ലിറ്ററിന് 115.12 രൂപ, ഡീസൽ വില: ലിറ്ററിന് 99.83 രൂപ.

ബെംഗളൂരു: പെട്രോൾ ലിറ്ററിന് 111.09 രൂപ, ഡീസൽ ലിറ്ററിന് 94.79 രൂപ.

നോയിഡ: പെട്രോൾ ലിറ്ററിന് 105.47 രൂപ, ഡീസൽ ലിറ്ററിന് 97.03 രൂപ

ഗുരുഗ്രാം: പെട്രോൾ ലിറ്ററിന് 105.86 രൂപ, ഡീസൽ ലിറ്ററിന് 97.10 രൂപ

ചണ്ഡീഗഡ്: പെട്രോൾ: 104.74 രൂപ, ഡീസൽ: ലിറ്ററിന് 90.83 രൂപ

“ഇന്ധനവില വർദ്ധനവിനായി ഉടൻ പദ്ധതികളൊന്നുമില്ല. സർക്കാരിന്റെ പ്രധാന ആശങ്ക സാധാരണക്കാരാണ്, അവർക്കു മേൽ അനാവശ്യമായി ഭാരം ചുമത്തപ്പെടരുത്. ആഗോള ക്രൂഡ് ഓയിൽ വിലയിലെ ചാഞ്ചാട്ടം ആവശ്യവും വിതരണവും തമ്മിലുള്ള പൊരുത്തക്കേട് സൂചിപ്പിക്കുന്നു. വില ഉയർന്ന നിലയിൽ തുടരുകയാണെങ്കിൽ, രണ്ട് വർഷത്തിനുള്ളിൽ ലോകം മാന്ദ്യത്തിലേക്ക് കടക്കുമെന്ന് ആശങ്കയുണ്ട്,” ഉന്നത വൃത്തങ്ങൾ പറഞ്ഞതായി ബിസിനസ് ലൈൻ റിപ്പോർട്ട് ചെയ്യുന്നു.

“എക്‌സൈസ് തീരുവ വെട്ടിക്കുറയ്ക്കുന്ന കാര്യം നിലവിൽ പരിഗണനയിലില്ല. സാധാരണക്കാരെ ആശ്വസിപ്പിക്കാനുള്ള ഏക പോംവഴി സംസ്ഥാനങ്ങൾ ഇന്ധനങ്ങളുടെ വാറ്റ് കുറയ്ക്കുക എന്നതാണ്. പ്രതിദിനം ഏകദേശം 60 ദശലക്ഷം ആളുകൾ പെട്രോളോ ഡീസലോ ഉപയോഗിക്കുന്നു. ഇതിന്റെ ഒരു ഭാഗം സംസ്ഥാനങ്ങൾ വഹിക്കേണ്ടിവരും, ” ഉറവിടം പറഞ്ഞു.

കഴിഞ്ഞ 2-3 മാസങ്ങളിൽ ക്രൂഡ് ഓയിൽ വില ഉയരുന്നത് പോലെ തുടരുകയാണെങ്കിൽ, മാന്ദ്യത്തെക്കുറിച്ചുള്ള ഭയം ഉണ്ടെന്ന് മറ്റൊരു ഉറവിടം പറഞ്ഞു. കൂടാതെ, ഉപഭോക്താക്കൾ, പ്രത്യേകിച്ച് വീട്ടുകാർ, അവരുടെ ഇന്ധന ചെലവ് വെട്ടിക്കുറയ്ക്കാൻ സാധ്യതയുള്ളതിനാൽ, ആവശ്യക്കാരുടെ എന്നതിൽ കുറവ് രേഖപ്പെടുത്തുന്നതിലേക്ക് നയിക്കാനും സാധ്യതയുണ്ട്.

ക്രൂഡ് ഓയിൽ വില

ചൈനയിൽ ഡിമാൻഡ് വീണ്ടെടുക്കുമെന്ന പ്രതീക്ഷയിൽ ബുധനാഴ്ച ഏഷ്യൻ വ്യാപാരത്തിന്റെ തുടക്കത്തിൽ എണ്ണ വില ബാരലിന് 1 ഡോളറിലധികം ഉയർന്നു. കാരണം ചൈന അതിന്റെ കർശനമായ കോവിഡ് 19 നിയന്ത്രണ നടപടികളിൽ ചിലത് ക്രമേണ ലഘൂകരിച്ചിരുന്നു. ബ്രെന്റ് ക്രൂഡ് ഫ്യൂച്ചറുകൾ 1.15 ഡോളർ അല്ലെങ്കിൽ 1.0% ഉയർന്ന് ബാരലിന്113.08 ഡോളർ ആയി, യു എസ് വെസ്റ്റ് ടെക്സസ് ഇന്റർമീഡിയറ്റ് (WTI) ക്രൂഡ് ഫ്യൂച്ചറുകൾ 1.62 ഡോളർ അല്ലെങ്കിൽ 1.4% ഉയർന്ന് ബാരലിന് 114.02 ഡോളറായി.