Reliance Industries Ltd | റിലയൻസ് ഇൻഡസ്ട്രീസ് ലോകത്തെ ഏറ്റവും മൂല്യമേറിയ 40-ാമത് കമ്പനി
- Published by:Anuraj GR
- news18-malayalam
Last Updated:
അമേരിക്കൻ കമ്പനികളായ എക്സോൺ മൊബിൽ, പെപ്സികോ, എസ്എപി, ഒറാക്കിൾ എന്നിവയേക്കാൾ മുന്നിലാണ് റിലയൻസ് ഇൻഡസ്ട്രീസ്.
ന്യൂഡൽഹി: മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസ് ലിമിറ്റഡ്(ആർഐഎൽ) ലോകത്തെ ഏറ്റവും മുല്യമേറിയ നാൽപ്പതാമത്തെ കമ്പനി. വിപണി മൂലധനത്തിൽ 210 ബില്യൺ യുഎസ് ഡോളർ നേടുന്ന ആദ്യ ഇന്ത്യൻ കമ്പനിയായി റിലയൻസ് ഇൻഡസ്ട്രീസ് മാറി. വ്യാഴാഴ്ച വ്യാപാരം അവസാനിക്കുമ്പോൾ ആർ‌ഐ‌എല്ലിന് 15.3 ബില്യൺ രൂപ അഥവാ 208 ബില്യൺ ഡോളർ വിപണി മൂലധനമുണ്ടായിരുന്നു.
ഇന്ത്യയിൽനിന്ന് റിലയൻസ് കഴിഞ്ഞാൽ പട്ടികയിലുള്ളത് ടാറ്റ കൺസൾട്ടൻസി സർവീസസ് (ടിസിഎസ്) ആണ്. 8.75 ട്രില്യൺ രൂപ അഥവാ 119 ബില്യൺ യുഎസ് ഡോളർ വിപണി മൂല്യമാണ് ടിസിഎസിനുള്ളത്. അമേരിക്കൻ കമ്പനികളായ എക്സോൺ മൊബിൽ, പെപ്സികോ, എസ്എപി, ഒറാക്കിൾ എന്നിവയേക്കാൾ മുന്നിലാണ് റിലയൻസ് ഇൻഡസ്ട്രീസ്.
മാർച്ചിൽ കോവിഡ് -19 വ്യാപനം കൂടിയതോടെ റിലയൻസിന്റെ വിപണി മൂലധനം 73.4 ബില്യൺ യുഎസ് ഡോളറായി കുറഞ്ഞു. അതിനുശേഷം മുംബൈ ആസ്ഥാനമായുള്ള സ്ഥാപനത്തിന്റെ വിപണി മൂല്യം 2.84 മടങ്ങ് ഉയർന്നു. മാർച്ച് 23 മുതൽ 118 ട്രേഡിംഗ് സെഷനുകളിൽ ഇതിന്‍റെ മൂലധനം 135 ബില്യൺ യുഎസ് ഡോളർ കൂടി കൂട്ടി.
advertisement
You may also like:ലക്ഷങ്ങൾ ലാഭിക്കാം; വസ്തു വിൽക്കുന്നവരും വാങ്ങുന്നവരും അറിയേണ്ട കാര്യം [NEWS]റംസിയുടെ മരണം: നടി ലക്ഷ്മി പ്രമോദ് ഒളിവിൽ; വ്യാജ വിവാഹ സർട്ടിഫിക്കറ്റിന് പിന്നിലും സീരിയൽ നടിയെന്ന് പൊലീസ് [NEWS] വെന്‍റിലേറ്ററുകൾ തികയാതെ വരും'; സംസ്ഥാനത്തു മരണസംഖ്യ കൂടിയേക്കുമെന്ന് ആരോഗ്യമന്ത്രി [NEWS]
2020 ജൂൺ 19 ന്‌ റിലയൻസ് 150 ബില്യൺ ഡോളർ വിപണി മൂലധനമെന്ന നേട്ടം മറികടന്നു, അതായത് 60 വിപണി ദിവസത്തിനുള്ളിൽ 60 ബില്യൺ ഡോളർ കൂടി നിക്ഷേപകരുടെ മൂല്യത്തിൽ ചേർ‌ക്കാൻ റിലയൻസിന് സാധിച്ചു.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
September 10, 2020 8:53 PM IST
മലയാളം വാർത്തകൾ/ വാർത്ത/Money/
Reliance Industries Ltd | റിലയൻസ് ഇൻഡസ്ട്രീസ് ലോകത്തെ ഏറ്റവും മൂല്യമേറിയ 40-ാമത് കമ്പനി
