'അടുത്ത വർഷം ജൂലൈ വരെ വീട്ടിലിരുന്ന് ജോലി ചെയ്യാൻ അനുവദിച്ചേക്കും'; ഗൂഗിളിന്‍റെ തീരുമാനം ഉടൻ

ലോകമെമ്പാടും കോവിഡ് 19 കേസുകൾ വ്യാപിക്കുന്ന പശ്ചാത്തലത്തിലാണ് ഗൂഗിൾ ഇങ്ങനെയൊരു തീരുമാനം എടുക്കുന്നത്

News18 Malayalam | news18-malayalam
Updated: July 27, 2020, 11:17 PM IST
'അടുത്ത വർഷം ജൂലൈ വരെ വീട്ടിലിരുന്ന് ജോലി ചെയ്യാൻ അനുവദിച്ചേക്കും'; ഗൂഗിളിന്‍റെ തീരുമാനം ഉടൻ
google
  • Share this:
ടെക് ലോകത്തെ ഭീമനായ ഗൂഗിൾ അടുത്ത വർഷം ജൂലൈ വരെ ജീവനക്കാരെ വീട്ടിലിരുന്ന് ജോലി ചെയ്യാൻ അനുവദിച്ചേക്കുമെന്ന് വാൾസ്ട്രീറ്റ് ജേണൽ റിപ്പോർട്ട് ചെയ്തു. ലോകമെമ്പാടും കോവിഡ് 19 കേസുകൾ വ്യാപിക്കുന്ന പശ്ചാത്തലത്തിലാണ് ഗൂഗിൾ ഇങ്ങനെയൊരു തീരുമാനം എടുക്കുന്നത്. ഗൂഗിൾ ആസ്ഥാനായ അമേരിക്കയിലും കോവിഡ് കേസുകൾ കുറയുന്നില്ല. നിലവിൽ പ്രതിദിനം 70,000 പുതിയ കേസുകൾ അവിടെ റിപ്പോർട്ട് ചെയ്യപ്പെടുന്നു. ഈ സാഹചര്യത്തിലാണ് ജീവനക്കാരുടെ വർക്ക് ഫ്രം ഹോം നീട്ടാൻ ഗൂഗിൾ ആലോചിക്കുന്നത്.

ഈ വർഷം തുടക്കത്തിൽ ഏർപ്പെടുത്തിയ വർക്ക് ഫ്രം ഹോം ജൂലൈ മുതൽ റൊട്ടേഷൻ സംവിധാനത്തോടെ അവസാനിപ്പിക്കുമെന്ന് സിഇഒ സുന്ദർ പിച്ചെ പറഞ്ഞിരുന്നു. "ജൂലൈ 6 മുതൽ, കൂടുതൽ ലോക്ക്ഡൌൺ ഇളവുകൾ ലഭിക്കുന്നതോടെ ഗൂഗിളിന്‍റെ ഓഫീസുകൾ തുറക്കുകയും റൊട്ടേഷൻ അടിസ്ഥാനത്തിൽ ജീവനക്കാരെ അനുവദിക്കുകയും ചെയ്യും"- പിച്ചെ പറഞ്ഞു.

"തിരികെ വരാൻ ആഗ്രഹിക്കുന്നവരെയും പരിമിതവും റൊട്ടേഷൻ അടിസ്ഥാനത്തിലും ജീവനക്കാരെ മടക്കിയെത്തിക്കും"- അദ്ദേഹം വ്യക്തമാക്കിയിരുന്നു.
TRENDING:'ഫോളോവേഴ്സ് എന്‍റെ ജീവിതത്തിന്‍റെ ഭാഗം, വിലമതിക്കാനാകാത്ത സമ്പാദ്യം; വേദനിപ്പിച്ചെങ്കിൽ മാപ്പ്': അഹാന കൃഷ്ണ[PHOTOS]Shocking | വയറുവേദനയുമായി ആശുപത്രിയിലെത്തിച്ച യുവാവിന്‍റെ കരളിൽ തറഞ്ഞിരുന്നത് കത്തി![PHOTOS]IPL 2020 | ഐപിഎൽ കാണാൻ പോകുന്നോ? ദുബായ് വിമാനത്താവളത്തിലെ കോവിഡ് മാനദണ്ഡങ്ങൾ അറിയാം[PHOTOS]
വ്യവസ്ഥകൾ അനുവദിക്കുമെങ്കിൽ സെപ്റ്റംബറോടെ ഈ ശേഷി ക്രമേണ 30 ശതമാനം വരെ വർദ്ധിപ്പിക്കുമെന്നും അദ്ദേഹം പറഞ്ഞു.

നോവെൽ കൊറോണ വൈറസ് അല്ലെങ്കിൽ COVID-19 വ്യാപിക്കുന്നതിനിടയിൽ 2020 അവസാനം വരെ ഇന്ത്യയിൽ ഐടി സ്ഥാപനങ്ങൾ ജീവനക്കാരെ വീട്ടിൽ നിന്ന് (ഡബ്ല്യുഎഫ്എച്ച്) ജോലി ചെയ്യാൻ അനുവദിച്ചിട്ടുണ്ട്.

‘This article first appeared on Moneycontrol, read the original article here’
Published by: Anuraj GR
First published: July 27, 2020, 11:17 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading