'അടുത്ത വർഷം ജൂലൈ വരെ വീട്ടിലിരുന്ന് ജോലി ചെയ്യാൻ അനുവദിച്ചേക്കും'; ഗൂഗിളിന്‍റെ തീരുമാനം ഉടൻ

ടെക് ലോകത്തെ ഭീമനായ ഗൂഗിൾ അടുത്ത വർഷം ജൂലൈ വരെ ജീവനക്കാരെ വീട്ടിലിരുന്ന് ജോലി ചെയ്യാൻ അനുവദിച്ചേക്കുമെന്ന് വാൾസ്ട്രീറ്റ് ജേണൽ റിപ്പോർട്ട് ചെയ്തു. ലോകമെമ്പാടും കോവിഡ് 19 കേസുകൾ വ്യാപിക്കുന്ന പശ്ചാത്തലത്തിലാണ് ഗൂഗിൾ ഇങ്ങനെയൊരു തീരുമാനം എടുക്കുന്നത്. ഗൂഗിൾ ആസ്ഥാനായ അമേരിക്കയിലും കോവിഡ് കേസുകൾ കുറയുന്നില്ല. നിലവിൽ പ്രതിദിനം 70,000 പുതിയ കേസുകൾ അവിടെ റിപ്പോർട്ട് ചെയ്യപ്പെടുന്നു. ഈ സാഹചര്യത്തിലാണ് ജീവനക്കാരുടെ വർക്ക് ഫ്രം ഹോം നീട്ടാൻ ഗൂഗിൾ ആലോചിക്കുന്നത്.