ഇന്ത്യയിൽ ​ഇ-സ്പോർട്സ് വിപണി വളരുന്നു; കണ്ടന്റ് ക്രിയേറ്റർമാർക്ക് കോടികളുടെ വരുമാനം

സ്‌കൗട്ട് എന്ന പേരിൽ അറിയപ്പെടുന്ന തൻമയ് സിംഗ്, മോർട്ടൽ എന്ന പേരിൽ അറിയപ്പെടുന്ന നമൻ മാത്തൂർ, അനിമേഷ് അഗർവാൾ, ജോനാഥൻ അമരൽ എന്നിവരുൾപ്പെടെയുള്ള കണ്ടന്റ് ക്രിയേറ്റർമാർ ഇ-സ്പോർട്സ് കണ്ടന്റുകൾ സൃഷ്ടിച്ച് പ്രതിവർഷം ഒരു മില്യൻ ഡോളർ വരെ സമ്പാദിക്കുന്നുണ്ട് എന്നാണ് റിപ്പോർട്ടുകൾ.

ബാറ്റിൽ​ഗ്രൗണ്ട് മൊബൈൽ ഇന്ത്യ (Battlegrounds Mobile India (BGMI)), ഫയർ ഫ്രീ (Free Fire) എന്നീ ​ഗെയിമുകൾ 2022 ൽ ഇന്ത്യയിൽ നിരോധിച്ചിരുന്നു. 2023-ൽ ഇത് തിരികെ വരികയും ചെയ്തിരുന്നു. ഇവയുടെ നിരോധനം ചില കണ്ടന്റ് ക്രിയേറ്റർമാരെ ബാധിച്ചതായും വിദഗ്ധർ അഭിപ്രായപ്പെടുന്നു. എന്നാൽ അടുത്ത രണ്ട് വർഷങ്ങളിൽ ഈ വിപണി വീണ്ടും വളർച്ച പ്രാപിക്കുമെന്നും ക്രിയേറ്റർമാരുടെ വരുമാനം കൂടുമെന്നും വിദഗ്ധർ ചൂണ്ടിക്കാട്ടുന്നു.

ബ്രാൻഡ് സ്പോൺസർഷിപ്പുകൾ, ക്യാമ്പെയ്നുകൾ, യൂട്യൂബ് സ്ട്രീമിംഗ് ഗെയിമുകൾ, ടൂർണമെന്റുകൾക്കോ ​​ലോഞ്ചുകൾക്കോ ആയി പ്രമുഖ ബ്രാൻഡുകളിൽ നിന്നുമുള്ള ക്ഷണങ്ങൾ തുടങ്ങിയ മാർ​ഗങ്ങളിലൂടെയാണ് ഇ-സ്പോർട്സ് കണ്ടന്റ് ക്രിയേറ്റർമാർ പ്രധാനമായും വരുമാനം ഉണ്ടാക്കുന്നത്.

‌

ഇന്ത്യയിലെ പ്രമുഖ ഇ-സ്പോർട്സ് കണ്ടന്റ് ക്രിയേറ്റർമാരെക്കുറിച്ച് കൂടുതൽ മനസിലാക്കാം.

ഇന്ത്യയിലെ ഏറ്റവും പ്രമുഖ ബിജിഎംഐ ഗെയിമർമാരിൽ ഒരാളാണ് സ്കൗട്ട്. അന്താരാഷ്ട്ര ടൂർണമെന്റുകളിൽ ഇന്ത്യയെ പ്രതിനിധീകരിച്ചയാൾ കൂടിയാണ് ഈ ഇൻഫ്ളുവൻസർ. സ്കൗട്ടിന് ഇൻസ്റ്റാഗ്രാമിൽ 4 മില്യണിലധികം ഫോളോവേഴ്‌സും യുട്യൂബിൽ 4.8 മില്യൻ ഫോളോവേഴ്സും ഉണ്ട്.

യൂട്യൂബിൽ ഒരു മില്യനിലധികം ഫോളേവേഴ്സ് ഉള്ള ​ഗെയ്മറും സംരംഭകനും കൂടിയാണ് അനിമേഷ് അഗർവാൾ.

യുട്യൂബിൽ 7 മില്യൺ ഫോളേവേഴ്സ് ഉള്ള ഇൻസ്റ്റഗ്രാമിൽ 5.3 മില്യനിലേറെ ഫോളോവേഴ്‌സും ഉള്ള ഒരേയൊരു ഇന്ത്യൻ ഇ-സ്പോർട്സ് കണ്ടന്റ് ക്രിയേറ്ററാണ് നമൻ മാത്തൂ.

ഇന്ത്യയിലെ ഏറ്റവും പ്രശസ്തരായ ബിജിഎംഐ ഗെയിമർമാരിൽ ഒരാളാണ് ജോനാഥൻ അമരൽ.

യൂട്യൂബിൽ 1.64 മില്യനിലേറെ ഫോളോവേഴ്സ് ഉള്ള ഗെയ്മിങ്ങ് കണ്ടന്റ് ക്രിയേറ്ററും ഇൻഫ്ളുവൻസറുമാണ് രാജ് വർമ