ഗൂഗിൾ ക്രോം ഇനി ലേഖനങ്ങൾ വായിച്ചു കേൾപ്പിക്കും; ഈ ഫീച്ചർ പ്രവർത്തിക്കുന്നത് എങ്ങനെ?

ഡെസ്‌ക്ടോപ്പ് ഉപയോക്താക്കള്‍ക്കായി മൈക്രോസോഫ്റ്റ് എഡ്ജ് പോലുള്ള റീഡ് എലൗഡ് ഫീച്ചര്‍ ഗൂഗിള്‍ ക്രോമില്‍ വൈകാതെ ലഭ്യമാകും. നിലവില്‍ കാനറി പതിപ്പില്‍ ഇത് പരീക്ഷിച്ചുകൊണ്ടിരിക്കുകയാണ്. പുതിയ ഫീച്ചര്‍ ഉപയോഗിച്ച് ഉപയോക്താക്കള്‍ക്ക് ലേഖനകള്‍ വായിച്ച് കേൾക്കാനാകും. ഇതുവഴി പ്ലേബാക്ക് വേഗത ക്രമീകരിക്കാനും ശബ്ദം ക്രമീകരിക്കാനും സാധിക്കുമെന്ന് ബ്ലീപിങ് കംപ്യൂട്ടര്‍ റിപ്പോര്‍ട്ട് വ്യക്തമാക്കുന്നു. വ്യത്യസ്തമായ വോയിസ് ഓപ്ഷനുകളിലേക്ക് മാറാനും സാധിക്കുമെന്ന് റിപ്പോര്‍ട്ടിലുണ്ട്. ലേഖനം വിവരിക്കുന്നതിന് പുറമെ, വായിക്കുന്ന വാചകം പ്രത്യേകം മാര്‍ക്ക് ചെയ്തും കാണിക്കും. ഇതിലൂടെ ഉപയോക്താക്കള്‍ക്ക് തങ്ങള്‍ക്ക് എവിടെവരെ വായിച്ചുവെന്നകാര്യം എളുപ്പത്തില്‍ തിരിച്ചറിയാന്‍ കഴിയും. അതേസമയം, ഇത് ആര്‍ക്കെങ്കിലും ബുദ്ധിമുട്ട് ഉണ്ടാക്കുന്നുണ്ടെങ്കില്‍ ഓഫ് ചെയ്യുന്നതിനുള്ള ബട്ടണും ഇതില്‍ ചേര്‍ത്തിട്ടുണ്ട്.