ഇൻഫോസിസിലെ ചില ജീവനക്കാർക്ക് കോവിഡ് 19 സ്ഥിരീകരിച്ചു; സമ്പർക്ക പട്ടിക തയ്യാറാക്കി വരികയാണെന്ന് കമ്പനി

"ആഗോളതലത്തിൽ കുറച്ച് ഇൻഫോസിസ് ജീവനക്കാർക്ക് കോവിഡ് 19 പോസിറ്റീവ് ആണെന്ന് സ്ഥിരീകരിച്ചിട്ടുണ്ട്. ഇവരുമായി ഇവരുടെ കുടുംബാംഗങ്ങളുമായും കമ്പനി ബന്ധം നിലനിർത്തുന്നുണ്ട്. വിശ്രമം എടുക്കുന്നതിനും എത്രയും പെട്ടെന്ന് രോഗമുക്തി നേടുന്നതിനു കമ്പനി എല്ലാ തരത്തിലുള്ള സഹായവും പിന്തുണയും ഈ ജീവനക്കാർക്ക് നൽകുന്നുണ്ടെന്ന് ഇൻഫോസിസ് പ്രസ്താവനയിൽ പറഞ്ഞു.

ലോക്ക്ഡൗൺ പ്രഖ്യാപിച്ചത് ലോകത്തിന്റെ വിവിധ ഭാഗങ്ങളിൽ വളരെ മികച്ച ഫലമാണ് നൽകിയത്. 93 ശതമാനം ഇൻഫോസിസ് ജീവനക്കാരും ഇപ്പോൾ വീട്ടിലിരുന്നാണ് ജോലി ചെയ്യുന്നതെന്നും പ്രസ്താവനയിൽ കമ്പനി അറിയിച്ചു.