ജിയോ ട്രൂ 5ജി എത്തി; ഇനി കണ്ണൂർ, കൊല്ലം, കോട്ടയം,മലപ്പുറം, പാലക്കാട് നഗരങ്ങളും പറക്കും

കൊച്ചി:  കേരളത്തിൽ ജിയോയുടെ ട്രൂ 5ജി സേവനങ്ങൾ വ്യാപിപ്പിക്കുന്നു. ഇന്ന് മുതൽ കണ്ണൂർ, കൊല്ലം, കോട്ടയം, മലപ്പുറം, പാലക്കാട് എന്നീ നഗരങ്ങളിൽ കൂടി ജിയോ ട്രൂ 5ജി സേവനങ്ങൾ ആരംഭിക്കുകയാണ്. ഇതോടെ ജിയോയുടെ 5ജി സേവനങ്ങൾ കേരളത്തിൽ 11 നഗരങ്ങളിൽ ആസ്വദിക്കാവുന്നതാണ്. (ജിയോ 5ജി സേവനങ്ങൾ കേരളത്തിൽ – കൊച്ചി, തിരുവനന്തപുരം, തൃശൂർ,കോഴിക്കോട്, ചേർത്തല, ഗുരുവായൂർ ക്ഷേത്ര പരിസരം, കണ്ണൂർ, കൊല്ലം, കോട്ടയം,മലപ്പുറം, പാലക്കാട്)

Also read- ഇന്ത്യയിലെ 50 നഗരങ്ങള്‍ കൂടി 5G; കേരളത്തിൽ നിന്ന് എത്ര?

ജനുവരി 17 മുതൽ, കണ്ണൂർ, കൊല്ലം, കോട്ടയം, മലപ്പുറം, പാലക്കാട് എന്നീ നഗരങ്ങളിലെ ജിയോ ഉപയോക്താക്കൾക്ക് അധിക ചിലവുകളൊന്നുമില്ലാതെ 1 Gbps+ വേഗതയിൽ അൺലിമിറ്റഡ് ഡാറ്റ അനുഭവിക്കാൻ ജിയോ വെൽക്കം ഓഫറിലേക്ക് ക്ഷണം ലഭിക്കുന്നതാണ്. 4G നെറ്റ്‌വർക്കിനെ ആശ്രയിക്കാത്ത, സ്റ്റാൻഡലോൺ 5ജി നെറ്റ്‌വർക്ക് വിന്യസിച്ച ഏക കമ്പനിയാണ് ജിയോ.

Also read- Jio True 5G | ജിയോ ട്രൂ 5ജി സേവനം എങ്ങനെ ലഭിക്കും? സംശയങ്ങൾക്കുള്ള ഉത്തരം

സ്റ്റാൻഡലോൺ 5ജി ഉപയോഗിച്ച്, കുറഞ്ഞ ലേറ്റൻസി കണക്റ്റിവിറ്റി, മെഷീൻ-ടു-മെഷീൻ ആശയവിനിമയം, 5ജി വോയ്‌സ്, എഡ്ജ് കമ്പ്യൂട്ടിംഗ്, നെറ്റ്‌വർക്ക് സ്‌ലൈസിംഗ് എന്നി അതിനൂതനവും ശക്തവുമായ സേവനങ്ങൾ ജിയോയ്ക്ക് നൽകാൻ സാധിക്കും. 5ജി സേവനങ്ങൾ ലഭിക്കാൻ ഉപഭോക്താക്കൾ അവരുടെ സിം കാർഡുകൾ മാറ്റേണ്ടതില്ല.

Also read- Jio True 5G | ചേര്‍ത്തല ഇനി വേറെ ‘റേഞ്ചില്‍’ ; ജിയോ ട്രൂ 5G സേവനങ്ങൾ ഇന്ന് മുതൽ ചേർത്തല ടൗണിലും

5G പിന്തുണയ്ക്കുന്ന ഫോണിൽ പോസ്റ്റ്പെയ്ഡ് കണക്ഷനോ അടിസ്ഥാന പ്രീപെയ്ഡ് റീച്ചാർജായ 239 രൂപയോ അതിനു മുകളിലുള്ള റീച്ചാർജോ ഉണ്ടായിരിക്കണം. കൂടാതെ ഉപഭോക്താവ് 5ജി കവറേജുള്ള സ്ഥലത്താണ് കൂടുതൽ സമയമെങ്കിൽ ജിയോ വെൽകം ഓഫർ ലഭിക്കാനുള്ള അർഹതയുണ്ടായിരിക്കും ജിയോയുടെ 5ജി സേവനങ്ങൾ ഇന്ത്യയിൽ ഇതിനോടകം 134 നഗരങ്ങളിൽ ലഭ്യമാണ്.