തട്ടിപ്പുകൾ തടയാം; ആധാറിലെ ബയോമെട്രിക് ഡാറ്റാ ലോക്ക് ചെയ്യുന്നതെങ്ങനെ?

ഒരു ഇന്ത്യൻ പൗരൻ എന്ന നിലയിൽ നിങ്ങളുടെ കൈവശമുള്ളഏറ്റവും പ്രധാനപ്പെട്ട തിരിച്ചറിയൽ രേഖകളിൽ ഒന്നാണ് ആധാർ കാർഡ്. ഇതിൽ ഒരു വ്യക്തിയുടെ തിരിച്ചറിയൽ വിവരങ്ങൾക്ക് പുറമേ ബയോമെട്രിക് (വിരലടയാളം, ഐറിസ് സ്കാനുകള്‍) വിവരങ്ങളും ഉൾപ്പെടുത്തിയിട്ടുണ്ട്. എന്നാൽ ഇവയെല്ലാം പലപ്പോഴും വലിയ സുരക്ഷാ ഭീഷണിയായും മാറാറുണ്ട്. കാരണം ആളുകളുടെ ബയോമെട്രിക് വിവരങ്ങള്‍ ഉൾപ്പെടെയുള്ള വ്യക്തിപരമായ വിവരങ്ങൾ ഉപയോഗിച്ചാണ് തട്ടിപ്പ് സംഘങ്ങൾ ഇരകളെ കൊള്ളയടിക്കുന്നത്. എന്നാൽ നിങ്ങളുടെ ആധാർ ബയോമെട്രിക് ഡാറ്റകൾ ലോക്ക് ചെയ്തു വയ്ക്കാനുള്ള സംവിധാനവും നമുക്ക് ലഭ്യമാണ്. ഇതുവഴി ഒരു പരിധി വരെ ഇത്തരം തട്ടിപ്പുകൾ തടയാൻ നമുക്ക് സാധിക്കും.