Samsung Galaxy S24 Ultra | പുതുതലമുറ സ്നാപ്ഡ്രാഗൺ പ്രോസസറുമായി സാംസങ് ഗ്യാലക്സി എസ്24 അൾട്ര; പ്രത്യേകതകൾ അറിയാം

ഇപ്പോൾ പുറത്തുവരുന്ന റിപ്പോർട്ടുകൾ അനുസരിച്ച്, സ്‌നാപ്ഡ്രാഗൺ 8 ജെൻ 3 പ്രോസസറായിരിക്കും ഏറ്റവും പ്രധാന സവിശേഷത. ക്യാമറയുടെ കാര്യത്തിലേക്ക് വന്നാൽ വലിയ അത്ഭുതമാണ് സാംസങ് കരുതിവെച്ചിരിക്കുന്നത്. ഇതിൽ പ്രധാനം 200 എംപി ക്വാഡ് റിയർ ക്യാമറയാണ്. 120 ഹെർട്‌സ് റിഫ്രഷ് റേറ്റ് ഡിസ്‌പ്ലേ, ടൈറ്റാനിയം ഫ്രെയിമുകൾ എന്നിവയുൾപ്പെടെ ഏറ്റവും മുന്തിയ സവിശേഷതകളും പ്രത്യേകതകളുമായിരിക്കും ഗ്യാലക്സി എസ് 24ന് ഉണ്ടാകുക.

ഒപ്‌റ്റിക്‌സിന്റെ കാര്യത്തിൽ, 200എംപി പ്രധാന ക്യാമറ, 50എംപി ടെലിഫോട്ടോ ഷൂട്ടർ, 12എംപി സെൻസർ, മറ്റൊരു 10 എംപി സെൻസർ എന്നിവയുൾപ്പെടെ ക്വാഡ് റിയർ ക്യാമറകൾ എസ്24ൽ ഉണ്ടായിരിക്കാം. സെൽഫികൾക്കും വീഡിയോ കോളുകൾക്കുമായി 12 എംപി മുൻ ക്യാമറയും ഈ ഉപകരണത്തിൽ ഉണ്ടാകുമെന്ന് പറയപ്പെടുന്നു. ബാറ്ററിയിലേക്ക് വരുമ്പോൾ, ഗാലക്‌സി എസ് 24 അൾട്രാ 45W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയുണ്ടാകും.

ഗ്യാലക്സി എസ് 24 അൾട്ര 12GB+ 256GB, 8GB+128GB സ്റ്റോറേജ് ഓപ്ഷനുകളിലാകും എത്തുക. ഈ ഫോൺ 2024 ജനുവരിയിലോ ഫെബ്രുവരിയിലോ പുറത്തിറക്കുമെന്നാണ് റിപ്പോർട്ട്. വിഷൻ ബൂസ്റ്റർ, എൻഹാൻസ്ഡ് കംഫർട്ട് മോഡ് എന്നിവയാണ് മറ്റ് സവിശേഷതകൾ. കോർണിംഗ് ഗൊറില്ല ഗ്ലാസ് വിക്ടസ് 2 ആണ് സ്‌ക്രീൻ പരിരക്ഷിച്ചിരിക്കുന്നത്.