ഗൂഗിള്‍ പേയ്ക്കും PayTmനും മറ്റൊരു എതിരാളി; വാട്ട്സ്‌ആപ്പ് പേ; മേയ് അവസാനത്തോടെ ഇന്ത്യയില്‍

'ഞങ്ങളുടെ എല്ലാ ഉപയോക്താക്കൾക്കും വാട്ട്‌സ്ആപ്പ് പേയ്‌മെന്‍റിലേക്ക് പ്രവേശനം നൽകുന്നതിനായി ഞങ്ങൾ സർക്കാരുമായുള്ള അവസാനവട്ട പ്രവർത്തനം തുടരുകയാണ്. വാട്ട്‌സ്ആപ്പിലൂടെ പേയ്‌മെന്റുകൾ ഡിജിറ്റൽ പേയ്‌മെന്റുകളായി ത്വരിതപ്പെടുത്താൻ സഹായിക്കും. കോവിഡ് -19 പോലെയുള്ള സമയങ്ങളിൽ ഇത് വളരെ പ്രധാനമാണ്. കാരണം ഇന്ത്യയിലെ ഞങ്ങളുടെ 400 ദശലക്ഷം ഉപയോക്താക്കൾക്ക് ഇടപാട് നടത്താനുള്ള സുരക്ഷിതമായ മാർഗ്ഗമാണ് വാട്സാപ്പ് നൽകുന്നത്', വാട്സാപ്പ് വക്താവ് പറഞ്ഞു.

ഫേസ്ബുക്കിന്റെ ഉടമസ്ഥതയിലുള്ള സോഷ്യൽ മെസേജിംഗ് ആപ്പായ വാട്സാപ്പിന് ഇന്ത്യയിൽ 400 ദശലക്ഷത്തിലധികം ഉപയോക്താക്കളും ലോകമെമ്പാടുമായി 2 ബില്ല്യൺ ഉപയോക്താക്കളുമുണ്ട്.