പുതിയ ഇ-മെയിൽ തട്ടിപ്പിനെക്കുറിച്ച് മുന്നറിയിപ്പുമായി യൂട്യൂബ്; ഉപയോക്താക്കൾ ശ്രദ്ധിക്കേണ്ട കാര്യങ്ങൾ

സൈബർ തട്ടിപ്പുകൾ പുതിയ രീതികളിലാണ് അനുദിനം നടന്നു കൊണ്ടിരിക്കുന്നത്. പലപ്പോഴും യാഥാർത്ഥ്യമെന്ന് വിശ്വസിപ്പിക്കുന്ന തരത്തിലാണ് പല തട്ടിപ്പുകളും നടക്കുന്നത്. ഓരോ തട്ടിപ്പുകളെകുറിച്ചും ഉപഭോക്താക്കൾക്ക് കമ്പനികളും അധികൃതരും മുന്നറിയിപ്പ് നൽകാറുണ്ടെങ്കിലും പലരും അതൊന്നും ശ്രദ്ധിക്കാറില്ല. അത്തരത്തിലൊരു മുന്നറിയിപ്പുമായാണ് യുട്യൂബ് രംഗത്ത് വന്നിരിക്കുന്നത്. യൂട്യൂബിന്റെ പേരിലുള്ള ഇമെയിൽ വഴി ഫിഷിംഗ് തട്ടിപ്പ് നടക്കുന്നുണ്ടെന്നാണ് കമ്പനി ഉപയോക്താക്കൾക്ക് മുന്നറിയിപ്പ് നൽകിയിരിക്കുന്നത്.