12500 തേങ്ങകൾ; മുഖ്യമന്ത്രിയുടെ ദുരിതാശ്വാസനിധിയിലേക്ക് കർഷകന്റെ സംഭാവന

തേങ്ങ മൊത്തവിലയ്ക്ക് നല്‍കിയാലും മൂല്യം കുറഞ്ഞത് മൂന്നരലക്ഷം രൂപയുണ്ടാകും. എന്നാല്‍ വിറ്റ് പണം നല്‍കാത്തതിന്റെ കാരണമെന്താകും? നാരായണദാസിന്റെ ഉത്തരമിങ്ങനെ, 'പണം നൽകിയാൽ അത് കേവലം സംഭാവനയായി മാറും. എന്നാൽ നട്ടു പരിപാലിച്ച് വളർത്തിയ തെങ്ങിൽ നിന്നും നാളികേരം നൽകുമ്പോൾ ഓരോന്നിലും തന്റെ വിയർപ്പും അധ്വാനവുമുണ്ട്.'

ഇടുക്കിയില്‍ സര്‍ക്കാര്‍ ആശുപത്രിയിൽ ഡോക്ടറായ മകളും ഒരു മാസത്തെ ശമ്പളം സര്‍ക്കാരിന് നല്‍കിക്കഴിഞ്ഞു. ഇനിയും സഹായം ചെയ്യാന്‍ സന്നദ്ധമാണെന്ന പിന്തുണയുമായി നാരായണദാസിന്റെ കുടുംബവും ഒപ്പമുണ്ട്.