ഇൻസ്റ്റഗ്രാം വഴി ചാറ്റിങ്; മലപ്പുറത്ത് പത്താംക്ലാസ് വിദ്യാർത്ഥിനിയെ രാത്രി വീട്ടിൽ നിന്ന് വിളിച്ചിറക്കിയ യുവാവ് അറസ്റ്റിൽ

സംഭവത്തെ പറ്റി പോലീസ് പറയുന്നത് ഇങ്ങനെ, പത്താം ക്ലാസ് വിദ്യാര്‍ത്ഥിനിയായ പെണ്‍കുട്ടിയുടെ മാതാവിന്റെ ഫോണിലുള്ള ഇന്‍സ്റ്റാഗ്രാം വഴിയാണ് പ്രതി ചാറ്റിംഗ് തുടങ്ങിയത്. ആഴ്ചകളായി നടന്ന ചാറ്റിങ്ങിലൂടെ ബന്ധം സ്ഥാപിച്ചതിനു ശേഷം രാത്രിയില്‍ പുറത്ത് വരുവാന്‍ ആവശ്യപ്പെടുകയായിരുന്നു.

തുടര്‍ന്ന്, കുട്ടി വീട്ടില്‍ വിരുന്നിന് വന്ന ബന്ധുവായ സമപ്രായക്കാരിയോടൊപ്പം പുറത്ത് വന്നു. രാത്രിയില്‍ ഉണർന്ന പിതാവ് ആണ് കുട്ടികൾ പുറത്ത് പോയത് ആദ്യം അറിഞ്ഞത്. അന്വേഷണിച്ചിറങ്ങിയ അദ്ദേഹം വീട്ടിൽ നിന്നും അകലെയുള്ള വെയിറ്റിങ് ഷെഡില്‍ കുട്ടികളെ കണ്ടെത്തുകയായിരുന്നു.

പോക്സോ നിയമപ്രകാരവും തട്ടിക്കൊണ്ടുപോകലിനും പ്രതിക്കെതിരെ കേസ് എടുത്തതായി പോലീസ് അറിയിച്ചു. പ്രതിയെ മഞ്ചേരി പോക്സോ കോടതിയില്‍ ഹാജരാക്കി.