ചരിത്രം ഉറങ്ങുന്ന മണ്ണടി എന്ന ദേശം 

കേരളത്തിലെ സ്വാതന്ത്ര്യ സമര ചരിത്രത്തിൽ ഒഴിവാക്കാൻ കഴിയാത്ത പേരുകളിൽ ഒന്നാണ് വേലുത്തമ്പി ദളവയുടേത്. വേലുത്തമ്പി ദളവയെ കുറിച്ച് പറയുമ്പോഴാകട്ടെ ആദ്യം മനസ്സിൽ വരുന്നത് മണ്ണടി എന്ന ഗ്രാമത്തെ പറ്റിയും. ഈ ഗ്രാമത്തിലൂടെ സഞ്ചരിച്ചാൽ ചരിത്ര പ്രാധാന്യമുള്ള നിരവധി കാര്യങ്ങൾക്ക് നാം സാക്ഷിയാകും.ബ്രിട്ടീഷുകാരുമായുണ്ടായ പോരാട്ടങ്ങൾക്കൊടുവിൽ വേലുത്തമ്പിദളവ മണ്ണടി ദേശത്ത് എത്തുകയും, ശത്രുക്കൾ അദ്ദേഹത്തെ പിടികൂടും എന്ന് മനസിലാക്കിയതിനെത്തുടർന്ന് ആത്മഹത്യ ചെയ്തുകയും ചെയ്തു എന്നതാണ് ചരിത്രം.മണ്ണടി ക്ഷേത്രത്തിന്‌ കിഴക്കുമാറി ചേണ്ടമംഗലത്തുമഠത്തിൽ വെച്ചാണ് അദ്ദേഹം വീര മൃത്യു പ്രാപിച്ചത്.