ഭൂദാനത്ത് മഴ തുടരുന്നു; മേപ്പാടിയില്‍ വീണ്ടും മണ്ണിടിച്ചിൽ

മലപ്പുറം/ വയനാട്: ഉരുൾപ്പൊട്ടലുണ്ടായ മലപ്പുറത്തെ ഭൂദാനത്ത് ശക്തമായ മഴ തുടരുന്നു. ഇതോടെ രക്ഷാപ്രവർത്തനം ഏറെനേരം തടസപ്പെട്ടു. വൈകിയാണ് രക്ഷാപ്രവർത്തനം പുനരാരംഭിച്ചത്. ശക്തമായ മഴയിൽ ഭൂദാനത്തേക്കുള്ള കരിമ്പുഴ പാലം തെന്നിമാറി. ഇതുവഴിയുള്ള ഗതാഗതം നിരോധിച്ചിരിക്കുകയാണ്. ഇതിനെ തുടർന്ന് രക്ഷാപ്രവർത്തനങ്ങൾക്കായി സൈന്യത്തിന് സ്ഥലത്ത് എത്താൻ കഴിഞ്ഞിരുന്നില്ല.