ജനപക്ഷത്തിനൊപ്പം കോൺഗ്രസും ബിജെപിയും; പൂഞ്ഞാറിൽ സിപിഎം ഭരണം അവസാനിച്ചു

സി.പി.എം നേതാവും പഞ്ചായത്ത് പ്രസിഡന്റുമായ രമേഷ് ബി.വെട്ടിമറ്റത്തിന് എതിരെ  നല്‍കിയ അവിശ്വാസ പ്രമേയം അഞ്ചിനെതിരെ എട്ട് വോട്ടുകള്‍ക്കാണ് പാസായത്.

ജനപക്ഷത്തിലെയും കോണ്‍ഗ്രസിലെയും മൂന്ന് വീതം അംഗങ്ങളും ബി.ജെ.പിയിലെ രണ്ട് അംഗങ്ങളും അവശ്വാസ പ്രമേയത്തിന് അനുകൂലമായി വോട്ട് ചെയ്തു. അതേസമയം ഭരണപക്ഷമായ സിപിഎം അവിശ്വാസപ്രമേയ ചര്‍ച്ചയില്‍ നിന്ന് വിട്ട് നി ന്നു. നേരത്തെ വൈസ് പ്രസിഡന്റിനെതിരായ അവിശ്വാസത്തിലും കോണ്‍ഗ്രസും ബിജെ പിയും ഒന്നിച്ചിരുന്നു.

സഹകരണ ബാങ്കുമായി ബന്ധപ്പെട്ട് ജനപക്ഷവും സി പി എമ്മുമായുണ്ടായ ഭിന്നതയാണ് അവിശ്വാസത്തിൽ കലാശിച്ചത്.

ജനപക്ഷത്തെയും ബിജെപിയിലേയും അംഗങ്ങൽ ചേർന്നാണ് അവിശ്വാസത്തിന് നോട്ടീസ് നൽകിയത്. വോട്ടെടുപ്പിൽ കോൺഗ്രസ് അംഗങ്ങളും ഇവർക്കൊപ്പം ചേരുകയായിരുന്നു.