റോഡ് നിർമ്മിച്ചു നൽകിയില്ല; യുവാവ് പഞ്ചായത്ത് ഓഫീസ് അടിച്ചു തകർത്തു
- Published by:Naseeba TC
- news18
Last Updated:
കൈ ഉപയോഗിച്ച് ജനൽ ചില്ലുകൾ തകർത്ത യുവാവ് പരിക്കുകളോടെ ആശുപത്രിയിൽ
കോട്ടയം: റോഡ് നിർമിച്ചു നൽകിയില്ലെന്ന് ആരോപിച്ച് യുവാവ് പഞ്ചായത്ത് ഓഫീസ് അടിച്ചു തകർത്തു. ചെമ്പ് പഞ്ചായത്ത് ഓഫീസിൽ ഇന്നലെ രാത്രിയായിരുന്നു സംഭവം. വീടിനു സമീപത്തെ റോഡ് പുനർനിർമിച്ച് നൽകാത്തതിനെ തുടർന്നാണ് പ്രദേശവാസിയായ സജിമോൻ ഓഫീസിന്റെ ജനൽച്ചില്ലുകൾ അടിച്ചു തകർത്തത്.
16 ജനലുകളുടെ 40 ചില്ലു പാളികൾ കൈ ഉപയോഗിച്ചാണ് തകർത്തത്. ചില്ലു തറച്ചുകയറി പരിക്കേറ്റ സജിമോനെ ആശുപത്രിയിൽ പ്രവേശിപ്പിച്ചു. റോഡുമായി ബന്ധപ്പെട്ട് കഴിഞ്ഞ ദിവസം പഞ്ചായത്ത് സെക്രട്ടിയും സജിമോനും തമ്മിൽ തർക്കമുണ്ടായിരുന്നു.
സംഭവത്തിൽ നേരത്തേ പരാതി നൽകിയിരുന്നതായി പഞ്ചായത്ത് പ്രസിഡന്റ് ലതാ അശോകൻ പറഞ്ഞു. സ്വാഭാവിക കാലതാമസം മാത്രമാണ് വഴിയുടെ കാര്യത്തിൽ ഉണ്ടായതെന്നാണ് ഇവരുടെ പ്രതികരണം. സജിമോനെതിരെ തലയോലപ്പറമ്പ് പോലീസ് കേസെടുത്തു.
advertisement
Location :
First Published :
Feb 08, 2020 1:31 PM IST
മലയാളം വാർത്തകൾ/ വാർത്ത/Nattu Varthamanam/
റോഡ് നിർമ്മിച്ചു നൽകിയില്ല; യുവാവ് പഞ്ചായത്ത് ഓഫീസ് അടിച്ചു തകർത്തു
