ചക്കയിടാൻ ശ്രമിക്കുന്നതിനിടെ വൈദ്യുതാഘാതമേറ്റ് യുവാവിന് ദാരുണാന്ത്യം; പിതാവിന് പരിക്ക്

ഇന്ന് രാവിലെ പതിനൊന്നരയോടെയായിരുന്നു സംഭവം. വീടിനടുത്തുള്ള പുരയിടത്തിൽ നിന്ന് ചക്കയിടാൻ ശ്രമിക്കവെയായിരുന്നു അപകടം. റബർ മരത്തിൽ ഇരുമ്പ് ഏണി ചാരി വച്ച് അടുത്തുള്ള പ്ലാവിൽ നിന്ന് ചക്കയിടാൻ ശ്രമിക്കവെ ഏണി തെന്നി സമീപത്ത് കൂടി പോയിരുന്ന ഇലക്ട്രിക് ലൈനിൽ തട്ടുകയായിരുന്നു. ഷോക്കേറ്റ് ഗുരുതരാവസ്ഥയിലായ ജിക്കുവിനെ ആശുപത്രിയിൽ പ്രവേശിപ്പിച്ചെങ്കിലും മരിച്ചു.