'അല്ല, അശ്വിന്‍ ഇതെന്താണ് സംഭവം? നിങ്ങള്‍ക്ക് നിയമങ്ങള്‍ ബാധകമല്ലേ?'; അശ്വിന്റെ ബൗളിങ് ആക്ഷനെതിരെ ആരാധകര്‍

മത്സരത്തിലെ അവസാന ഓവറിലെ നാലാം പന്താണ് വിവാദത്തിനിടയാക്കിയത്. ബോളിങ് ആക്ഷന്‍ പൂര്‍ത്തിയാക്കാതെയായിരുന്നു അശ്വിന്‍ പന്തെറിഞ്ഞത്. അശ്വിന് എന്തുമാകാമെന്നാണോ എന്നാണ് ആരാധകര്‍ ചോദിക്കുന്നത്.

നേരത്തെ ഐപിഎല്ലില്‍ മങ്കാദിങിലൂടെ ശ്രദ്ധ നേടിയതിനു പിന്നാലെയാണ് തമിഴ്‌നാട് പ്രീമിയര്‍ ലീഗിലെയും വിവാദം. പന്ത് കൊണ്ട് മത്സരത്തില്‍ കാര്യമായൊന്നും ചെയ്യാന്‍ കഴിഞ്ഞില്ലെങ്കിലും ബാറ്റിങ്ങില്‍ മികച്ച പ്രകടനമായിരുന്നു അശ്വിന്‍ പുറത്തെടുത്തത്. 19 പന്തില്‍ 37 റണ്‍സാണ് ദിണ്ഡിഗല്‍ ഡ്രാഗണ്‍സ് നായകനായ അശ്വിന്‍ അടിച്ചെടുത്തത്.