രോഹിത് ശർമ്മയുടെ മികവിന് നന്ദി പറയേണ്ടത് ധോണിയോട്; കോഹ്ലിക്കെതിരെ ഗംഭീറിന്‍റെ ഒളിയമ്പ്

ഇക്കാലത്തെ ഏറ്റവും മികച്ച ഏകദിന ക്രിക്കറ്ററായി ഇന്ത്യൻ നായകൻ വിരാട് കോഹ്ലിയെ വാഴ്ത്തുന്നവരാണ് കൂടുതൽ പേരും. എന്നാൽ അടുത്തിടെ മികച്ച പ്രകടനം നടത്തിയിട്ടുള്ള രോഹിതുമായി കോഹ്ലിയെ താരതമ്യപ്പെടുത്തുന്നത് ക്രിക്കറ്റ് വിദഗ്ദ്ധർക്കിടയിൽ സാധാരണമാണ്. അതിനിടെയാണ് ധോണിയുടെ പിന്തുണയാണ് രോഹിതിനെ മികച്ച കളിക്കാരനാക്കി മാറ്റിയതെന്ന ഗംഭീറിന്‍റെ പരാമർശം. കോഹ്ലിയെ എടുത്തുപറയാതെ രോഹിതിനെ മികച്ച ക്രിക്കറ്ററായി ഗംഭീർ വാഴ്ത്തിയതും ഏറെ ചർച്ചയായിരുന്നു. മുമ്പ് ഇന്ത്യൻ ടീമിലും രഞ്ജിയിൽ ഡൽഹിക്കുവേണ്ടി ഒരുമിച്ച് കളിക്കുമ്പോഴും ഗംഭീറും കോഹ്ലിയും തമ്മിലുള്ള സ്വരച്ചേർച്ചയില്ലായ്മ ക്രിക്കറ്റ് വൃത്തങ്ങളിൽ ചർച്ചയായിട്ടുണ്ട്.