'പോയി തരത്തില്‍ കളിക്ക്'; മത്സരത്തിനിടെ മുംബൈ താരവുമായി കോര്‍ത്ത് ജെയിംസേട്ടന്‍; വീഡിയോ കാണാം

കേരാളാ ബ്ലാസ്റ്റേഴ്‌സ് പരിശീലകന്‍ ഡേവിഡ് ജെയിംസും മുംബൈ താരം അര്‍നോള്‍ഡ് ഇസ്‌കോയും തമ്മിലായിരുന്നു ഇന്നലെ കോര്‍ത്തത്. കളിയാരംഭിച്ച് 18 മിനിട്ടുകള്‍ പിന്നിട്ടപ്പോഴായിരുന്നു സ്‌റ്റേഡിയത്തെ ചൂടുപിടിപ്പിച്ച സംഭവം അരങ്ങേറിയത്. മത്സരത്തിന്റെ ആദ്യമിനുട്ടുകള്‍ മുതല്‍ ഇരുടീമുകളും ആക്രമിച്ച് കളിക്കുകയായിരുന്നു. ഈ സമയത്ത് ടച്ച് ലൈനിനു പുറത്ത് നിന്നിരുന്ന ജെയിംസിനു മുന്നില്‍ ഇസ്‌കോ ബ്ലാസ്‌റ്റേഴ്‌സ് താരവുമായി കൂട്ടിയിടിച്ച് വീഴുകയായിരുന്നു.

താരം വീണുകിടക്കുമ്പോള്‍ ലൈനിനു പുറത്ത് നിന്ന ജെയിംസ് എന്തോ പറയുകയും ചെയ്തു. ഉടനെ ചാടിയെഴുന്നേറ്റ ഇസ്‌കോ ബ്ലാസ്‌റ്റേഴ്‌സ് പരിശീലകനോട് കയര്‍ക്കുകയായിരുന്നു. റഫറിയും ബ്ലാസ്റ്റേഴ്‌സ് താരങ്ങളും ചേര്‍ന്നായിരുന്നു രംം ശാന്തമാക്കിയത്. ഇസ്‌കോയെ പിന്തിരിപ്പിക്കാന്‍ മലയാളി താരം സഹലും അവിടെയെത്തി.

എന്നാല്‍ ഇസ്‌കോയോട് ചിരിച്ച് കൊണ്ടായിരുന്നു ഡേവിഡ് ജെയിംസിന്റെ പിന്നീടുള്ള പ്രതികരണം. കൊച്ചിയില്‍ ഇന്നലെ നടന്ന മത്സരം സമനിലയിലാണ് അവസാനിച്ചത്. മത്സരത്തിന്റെ 24 ാം മിനിട്ടില്‍ ഹോളിചരണ്‍ നര്‍സാരി നേടിയ ഗോളിനു മുന്നിട്ട് നിന്ന കേരളത്തെ ഇഞ്ചുറി ടൈമില്‍ ഭൂമിജ് നേടിയ ഗോളിലൂടെ മുംബൈയി സമനിലയില്‍ തളക്കുകയായിരുന്നു.