Sanju Samson| സഞ്ജു സാംസൺ ടീമിൽ; ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു
- Published by:Rajesh V
- news18-malayalam
Last Updated:
ഇന്ത്യയുടെ ട്വന്റി 20 ലോകകപ്പ് ടീമില് ഉള്പ്പെട്ട ആരും തന്നെ ഏകദിന പരമ്പരയ്ക്കുള്ള ടീമിലില്ല
ന്യൂഡല്ഹി: ദക്ഷിണാഫ്രിക്കയ്ക്കെതിരായ മൂന്ന് മത്സരങ്ങളടങ്ങിയ ഏകദിന പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. 16 അംഗ ടീമിനെയാണ് ബിസിസിഐ പ്രഖ്യാപിച്ചത്. ശിഖര് ധവാന് നയിക്കുന്ന ടീമില് മലയാളി താരം സഞ്ജു സാംസണ് ഇടംനേടി. സഞ്ജു വൈസ് ക്യാപ്റ്റനാകുമെന്നായിരുന്നു നേരത്തെ റിപ്പോർട്ടുകൾ. എന്നാൽ ടീം പ്രഖ്യാപിച്ചപ്പോൾ ശ്രേയസ് അയ്യരെയാണ് വൈസ് ക്യാപ്റ്റനാക്കിയത്.
ഇന്ത്യയുടെ ട്വന്റി 20 ലോകകപ്പ് ടീമില് ഉള്പ്പെട്ട ആരും തന്നെ ഏകദിന പരമ്പരയ്ക്കുള്ള ടീമിലില്ല. ട്വന്റി 20 സംഘം ഒക്ടോബര് ആറിന് ഓസ്ട്രേലിയയിലേക്ക് യാത്ര തിരിക്കും. ഒക്ടോബര് ആറിന് ലഖ്നൗവിലാണ് ആദ്യ ഏകദിനം. ഒമ്പതിന് റാഞ്ചിയില് രണ്ടാം മത്സരവും 11 ന് ഡല്ഹിയില് മൂന്നാം ഏകദിനവും നടക്കും.
ഏകദിന പരമ്പരയ്ക്കുള്ള ഇന്ത്യന് ടീം:
ശിഖര് ധവാന് (ക്യാപ്റ്റന്), ശ്രേയസ് അയ്യര് (വൈസ് ക്യാപ്റ്റന്), ഋതുരാജ് ഗെയ്ക്വാദ്, ശുഭ്മാന് ഗില്, രജത് പാട്ടിദാര്, രാഹുല് ത്രിപാഠി, ഇഷാന് കിഷന്, സഞ്ജു സാംസണ്, ഷഹബാസ് അഹമ്മദ്, ശാര്ദുല് താക്കൂര്, കുല്ദീപ് യാദവ്, രവി ബിഷ്ണോയ്, മുകേഷ് കുമാര്, അവേശ് ഖാന്, മുഹമ്മദ്. സിറാജ്, ദീപക് ചാഹര്.
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
October 02, 2022 6:53 PM IST
മലയാളം വാർത്തകൾ/ വാർത്ത/Sports/
Sanju Samson| സഞ്ജു സാംസൺ ടീമിൽ; ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു
