Nita Ambani IPL 2025: ഇന്ത്യൻ ക്രിക്കറ്റിനായി യുവതാരങ്ങളെ വളർത്തിയെടുക്കുന്ന പാരമ്പര്യം തുടരണമെന്ന് നിത അംബാനി

'മെഗാ ലേലം എന്നാൽ പുതിയ ടീം, പുതിയ തുടക്കം എന്നാൽ അതേ മുംബൈ ഇന്ത്യൻസ് ആവേശം. ട്രെന്റ് ബോൾട്ട്, നമൻ ദിർ, അള്ളാ ഗസൻഫർ, റയാൻ റിക്കൽട്ടൺ, ദീപക് ചഹാർ, റോബിൻ മിൻസ്, കരൺ ശർമ, വിൽ ജാക്ക്‌സ്, മിച്ചൽ സാന്റ്നർ, റീസ് ടോപ്‌ലി, അശ്വനി കുമാർ, രാജ് അംഗദ് ബാവ, ശ്രീജിത്ത് കൃഷ്ണൻ, സത്യനാരായണ രാജു, ബെവോൺ-ജോൺ ജേക്കബ്സ്, അർജുൻ ടെൻഡുൽക്കർ, ലിസാദ് വില്യംസ്, വിഘ്നേഷ് പുത്തൂർ തുടങ്ങി ചില പുതിയ മുഖങ്ങളെ സ്വാഗതം ചെയ്യുന്നതിലും പഴയ ചിലർ ഞങ്ങളോടൊപ്പം തിരിച്ചെത്തുന്നതിലും എനിക്ക് അതിയായ സന്തോഷമുണ്ട്. ഹാർദിക്, ജസ്പ്രീത്, രോഹിത്, സൂര്യ, തിലക് എന്നിങ്ങനെ ശക്തരായ പ്രധാന താരങ്ങളെ നിലനിർത്തി, ഇവർക്ക് ചുറ്റും ഒരു ടീമിനെ എങ്ങനെ കെട്ടിപ്പടുക്കാമെന്ന് നോക്കാനുള്ള അവസരമായിരുന്നു ലേലം'.

'ഇന്ത്യൻ ടീമിനായി നിരവധി യുവ പ്രതിഭകളെ വളർത്തിയെടുക്കുന്നതിൽ വളരെയധികം അഭിമാനവും സംതൃപ്തിയുമുണ്ട്. ജസ്പ്രീത് മുതൽ ഹാർദിക്, തിലക്, രമൺദീപ് സിംഗ് തുടങ്ങി വരാനിരിക്കുന്ന യുവാക്കളുടെ ഒരു കൂട്ടം. നമൻ ധിർ, റോബിൻ മിൻസ്, അശ്വനി കുമാർ, രാജ് അംഗദ് ബാവ, ശ്രീജിത്ത് കൃഷ്ണൻ തുടങ്ങി അടുത്ത പ്രതിഭകളെ വളർത്തിയെടുക്കാനുള്ള അവസരവും നമുക്കുണ്ട്. ഇവരെ മുംബൈ ഇന്ത്യൻസ് #വൺ ഫാമിലിയിലേക്ക് സ്വാഗതം ചെയ്യുന്നതിൽ വളരെ ആവേശത്തിലാണ്, ഇന്ത്യൻ ക്രിക്കറ്റിനായി യുവതാരങ്ങളെ വളർത്തിയെടുക്കുന്ന ഈ പാരമ്പര്യം തുടരാൻ ഞങ്ങൾ ആഗ്രഹിക്കുന്നു'.

ഇത് നമ്മുടെ ടീം, മുംബൈയുടെ ടീം. നിങ്ങളുടെ പിന്തുണയാണ് മുംബൈ ഇന്ത്യൻസിന്റെ ഏറ്റവും വലിയ ശക്തി. നമുക്ക് നമ്മുടെ #വൺ ഫാമിലിക്ക് കളിച്ച് മുന്നേറാം, ഒത്തൊരുമയോടെ വിജയിക്കാം'.