ആദ്യം 5 വൈഡ് പിന്നാലെ 4 വിക്കറ്റ്; ആദ്യ ഓവറില്‍ ഞെട്ടിച്ച് പാക് താരം ഷഹീന്‍ അഫ്രീദി

ഐസിസി ഏകദിന ലോകകപ്പിന് തയ്യാറെടുക്കുന്ന ഇന്ത്യ അടക്കമുള്ള ടീമുകള്‍ ഒന്ന് കരുതിയിരുന്നോളു. ഇംഗ്ലണ്ടില്‍ നടക്കുന്ന ടി20 ബ്ലാസ്റ്റ് ടൂര്‍ണമെന്റില്‍ പാകിസ്ഥാന്‍ താരം ഷഹീന്‍ അഫ്രീദി നടത്തിയ മാരക ബോളിങ് പ്രകടനമാണ് ഇപ്പോള്‍ ക്രിക്കറ്റ് ലോകത്ത് ചര്‍ച്ചയാകുന്നത്. നോട്ടിങ്ഹാം ഷെയര്‍ ഔട്ട് ലോസ് താരമായ ഷഹീന്‍ അഫ്രീദി എറിഞ്ഞ ആദ്യ ഓവറില്‍ തന്നെ എതിരാളികളായ ബര്‍മിങ്ഹാം ബിയേഴ്സിന്‍റെ നാല് വിക്കറ്റുകളാണ് ഷഹീന്‍ നേടിയത്. വെള്ളിയാഴ്ച ട്രെന്‍ഡ് ബ്രിഡ്ജില്‍ നടന്ന ഗ്രൂപ്പ് പോരാട്ടത്തിലായിരുന്നു ഷഹീന്‍ അഫ്രീദിയുടെ വൈറല്‍ ഓവര്‍ പിറന്നത്.