അർജന്‍റീന ആദ്യ റൗണ്ടിൽ പുറത്താകാതിരിക്കാൻ ഇനി എന്തൊക്കെ സംഭവിക്കണം?

ലയണൽ മെസി എന്ന ഇതിഹാസതുല്യനായ ഫുട്ബോൾ താരം കളിച്ചേക്കാവുന്ന അവസാന ലോകകപ്പ്. ഖത്തറിലേക്ക് എത്തുമ്പോൾ സ്കലോനി എന്ന പരിശീലകനും സംഘത്തിനും മുന്നിലുള്ള ഏറ്റവും വലിയ ലക്ഷ്യവും മറ്റൊന്നായിരുന്നില്ല, മെസിക്കുവേണ്ടി ലോകകിരീടവുമായി അർജന്‍റീനയിലേക്ക് മടങ്ങുക. എന്നാൽ ആദ്യ മത്സരത്തിൽ സൗദി അറേബ്യയോട് തോറ്റതോടെ എല്ലാം കീഴ്മേൽ മറിഞ്ഞിരിക്കുകയാണ്. ഗ്രൂപ്പിലെ താരതമ്യേന ദുർബലരായ സൗദിയോട് തോറ്റതോടെ, കരുത്തരായ മെക്സിക്കോയെയും പോളണ്ടിനെയും നേരിടാൻ ഇറങ്ങുമ്പോൾ അർജന്‍റീനയ്ക്കും ആരാധകർക്കും ചങ്കിടിപ്പേറുമെന്നത് സ്വാഭാവികമായി മാറി. എന്നാൽ 2010ൽ ആദ്യ മത്സരം തോറ്റശേളം ലോകകപ്പ് നേടിയ സ്പെയിനിനെ പോലെ അർജന്‍റീന ഉയിർത്തെഴുന്നേൽക്കുമെന്നാണ് ആരാധകർ പ്രതീക്ഷിക്കുന്നത്.