ആറുവയസുകാരിയെ 45 കാരൻ വിവാഹം ചെയ്തു; പെൺകുട്ടിക്ക് 9 വയസ് പൂർ‌ത്തിയാകട്ടെയെന്ന് താലിബാൻ

വിവാഹ ചടങ്ങ് നടന്ന മർജാ ജില്ലയിൽ കുട്ടിയുടെ പിതാവിനെയും വരനെയും കസ്റ്റഡിയിലെടുത്തെങ്കിലും കുറ്റം ചുമത്തിയിട്ടില്ല. രണ്ട് സ്ത്രീകളെ വിവാഹം കഴിച്ചതായി പറയപ്പെടുന്ന 45കാരൻ‌, പെൺകുട്ടിയുടെ കുടുംബത്തിന് പകരമായി പണം നൽകിയതായി പറയപ്പെടുന്നു. റിപ്പോർട്ടുകൾ പ്രകാരം പെൺകുട്ടി ഇപ്പോൾ മാതാപിതാക്കൾക്കൊപ്പമാണ്. പെൺകുട്ടിയുടെ ശാരീരിക സൗന്ദര്യം, വിദ്യാഭ്യാസം, ആർജിച്ച മൂല്യം എന്നിവയെ അടിസ്ഥാനമാക്കിയുള്ള വധുവിന്റെ വിലയായ 'വാൽവാർ' എന്ന വ്യാപകമായ ആചാരത്തിലൂടെയാണ് ഇടപാട് നടന്നതെന്ന് ഹാഷ്-ഇ സുബ് ദിനപത്രം റിപ്പോർട്ട് ചെയ്യുന്നു.

സ്ത്രീകളോടും പെൺകുട്ടികളോടുമുള്ള മോശം പെരുമാറ്റത്തിന് താലിബാന്റെ പരമോന്ന നേതാവ് ഹൈബത്തുള്ള അഖുന്ദ്‌സാദ, ചീഫ് ജസ്റ്റിസ് അബ്ദുൾ ഹക്കിം ഹഖാനി എന്നിവർക്കെതിരെ അന്താരാഷ്ട്ര ക്രിമിനൽ കോടതി അടുത്തിടെ അറസ്റ്റ് വാറണ്ട് പുറപ്പെടുവിച്ചിരുന്നു. എന്നാൽ മുസ്ലിം വിശ്വാസങ്ങളെ അപമാനിക്കുന്നതാണെന്ന് വിശേഷിപ്പിച്ചുകൊണ്ട് താലിബാൻ ഈ വാറണ്ടുകൾ തള്ളിക്കളഞ്ഞു.

അതേസമയം, സെക്കൻഡറി സ്കൂളുകളിലും സർവകലാശാലകളിലും പെൺകുട്ടികൾക്ക് വിലക്കുള്ള അഫ്ഗാനിസ്ഥാനിൽ സ്ത്രീകൾക്കും പെൺകുട്ടികൾക്കുമെതിരായ നിയന്ത്രണങ്ങൾ കർശനമാക്കുകയാണ്. മിക്ക ജോലികളിലും, പൊതു പാർക്കുകളിലും, ജിമ്മുകളിലും, ബാത്ത്ഹൗസുകളിലും പോലും സ്ത്രീകള്‍ക്ക് വിലക്കുണ്ട്. പുരുഷന്റെ സഹായമില്ലാതെ ഒറ്റയ്ക്ക് യാത്ര ചെയ്യുന്നതിനും സ്ത്രീകൾക്ക് വിലക്കേർപ്പെടുത്തിയിട്ടുണ്ട്. എല്ലാ സ്ത്രീകളും പെൺകുട്ടികളും പൊതുസ്ഥലത്ത് മുഖം മറയ്ക്കണമെന്നതും കർശനമാണ്.