അതിരിക്കട്ടെ, ഡെന്മാര്ക്കിൽ ഇടതുപക്ഷത്തിന് എന്തു സംഭവിച്ചു?
Last Updated:
പൊതുമേഖലയിൽ പണം ചെലവഴിക്കുന്നത് വർദ്ധിപ്പിക്കുമെന്നതും അന്തരീക്ഷ മലിനീകരണം ഉണ്ടാക്കുന്ന പുകയുടെ അളവ് 2030ഓടെ 70 ശതമാനമായി കുറയ്ക്കും എന്നതുമാണ് ഈ ഇടതുപക്ഷ സർക്കാരിന്റെ പ്രധാന പ്രഖ്യാപനങ്ങൾ.
കോപ്പൻഹേഗൻ: ഇടതുപക്ഷത്തിന് ഒന്നിനു പിറകെ ഒന്നായി തിരിച്ചടികൾ നേരിടുന്നതിൽ സങ്കടപ്പെട്ടിരിക്കുന്നവർക്ക് ഡെന്മാർക്കിൽ നിന്നൊരു സന്തോഷവാർത്ത. സ്കാൻഡനേവിയൻ രാജ്യമായ ഡെൻമാർക്കിലാണ് മധ്യ - ഇടതുപക്ഷം അധികാരത്തിലെത്തിയത്. അധികാരത്തിലെത്തിയെന്ന് മാത്രമല്ല ജനപ്രീതികരമായ ചില പ്രഖ്യാപനങ്ങളും നടത്തി സർക്കാർ.
സോഷ്യൽ ഡെമോക്രാറ്റിക് നേതാവായ, 41 വയസുള്ള മെറ്റെ ഫ്രഡറിക്സെൻ ആണ് ഡെൻമാർക്ക് പ്രധാനമന്ത്രി. രാജ്യത്തിന്റെ ഇതുവരെയുള്ള ചരിത്രത്തിലെ ഏറ്റവും പ്രായം കുറഞ്ഞ പ്രധാനമന്ത്രിയാണ് മെറ്റെ.
പൊതുമേഖലയിൽ പണം ചെലവഴിക്കുന്നത് വർദ്ധിപ്പിക്കുമെന്നതും അന്തരീക്ഷ മലിനീകരണം ഉണ്ടാക്കുന്ന പുകയുടെ അളവ് 2030ഓടെ 70 ശതമാനമായി കുറയ്ക്കും എന്നതുമാണ് ഈ ഇടതുപക്ഷ സർക്കാരിന്റെ പ്രധാന പ്രഖ്യാപനങ്ങൾ. മൂന്നാഴ്ചത്തെ ആലോചനയ്ക്ക് ശേഷമാണ് സുപ്രധാനമായ പ്രഖ്യാപനം നടത്തിയത്.
advertisement
മൂന്ന് ഇടതുപക്ഷ പാർട്ടികളുമായി കരാറിൽ ഏർപെട്ടാണ് ഫ്രെഡറിക്സെൻ അധികാരത്തിൽ എത്തിയത്. സർക്കാർ രൂപീകരിക്കാൻ ഭൂരിപക്ഷം ലഭിച്ചെന്ന് ഫ്രെഡറിക്സെൻ തന്നെ ആയിരുന്നു മാധ്യമങ്ങളെ അറിയിച്ചത്. തങ്ങൾ ഇപ്പോൾ ലക്ഷ്യത്തിലെത്തിയെന്നും തങ്ങളെ അധികാരത്തിൽ എത്തിച്ചവരുടെ പ്രതീക്ഷകൾ പ്രാവർത്തികമാക്കാൻ കഴിയുമെന്നും അവർ വ്യക്തമാക്കി.
ഡെൻമാർക്ക് പൊതു തെരഞ്ഞെടുപ്പിൽ ജൂൺ അഞ്ചിനായിരുന്നു സോഷ്യൽ ഡെമോക്രാറ്റിക് പാർട്ടി വിജയിച്ചത്.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 28, 2019 8:30 PM IST
