George Floyd Murder: അമേരിക്കയിൽ വ്യാപക പ്രതിഷേധം; മിനിയാപൊളിസ് പൊലീസ് സ്റ്റേഷന് തീയിട്ടു

നിരവധി പേരാണ് ജോർജിന് നീതി തേടി രം​ഗത്തെത്തിയത്. പലരും അക്രമാസക്തരായി. ജോർജിനെ കഴുത്തിൽ കാൽമുട്ട്‌ അമർത്തിപ്പിടിച്ചു കൊലപ്പെടുത്തിയ പൊലീസുകാരന്റെ പേര്‌പുറത്തു വന്നതോടെ ഇയാളുടെ വീടിന് മുന്നിലേയ്ക്കും പ്രതിഷേധക്കാർ എത്തി. ഡെറിക്‌ ചൗൽ എന്ന പൊലീസുകാരനാണ് ജോർജിനെ കൊന്നത്. ചെറുകിട ഭക്ഷണശാലയിൽ സെക്യൂരിറ്റി ഗാർഡായി ജോലി ചെയ്യുന്ന ജോർജ്‌ ഫ്ലോയിഡ്‌ (46) കഴിഞ്ഞ ദിവസമാണ് ക്രൂരമായി കൊലചെയ്യപ്പെട്ടത്‌.

സംഭവത്തിൽ നാല്​ പൊലീസുകാരെ പിരിച്ചുവിട്ടിരുന്നു. അമേരിക്കയിലെ മറ്റു ഭാഗങ്ങളിലും പ്രതിഷേധം ശക്തമാണ്. മിന്നെസോട്ട, ലൂയിസ്‍വില്ലെ, കെന്റക്കി എന്നിവിടങ്ങളിലും കലാപം പടരുകയാണ്. മിന്നെസോട്ടയിലെ സെന്റ് പോളിൽ 170ലേറെ വ്യാപാരസ്ഥാപനങ്ങളാണ് കത്തിനശിച്ചത്. ലൂയിസ്‍വില്ലെയിൽ നിരവധി കെട്ടിടങ്ങൾക്കും പ്രതിഷേധക്കാർ തീയിട്ടു.