ബംഗ്ലാദേശിൽ വീണ്ടും ഹിന്ദു യുവാവിന് നേരെ ആക്രമണം; തീകൊളുത്തിയപ്പോൾ കുളത്തിൽ ചാടി രക്ഷപ്പെട്ടു

ബംഗ്ലാദേശിൽ ന്യൂനപക്ഷങ്ങൾക്കെതിരെയുള്ള അക്രമങ്ങൾ വർധിച്ചുവരുന്നതിന്റെ സൂചനയായി, ഒരു ഹിന്ദു യുവാവിനെ കൂടി ആൾക്കൂട്ടം ക്രൂരമായി മർദിക്കുകയും തീകൊളുത്തുകയും ചെയ്തു. ഖോകൻ ദാസ് എന്നയാളാണ് ഈ ക്രൂരതയ്ക്ക് ഇരയായത്. ഡിസംബർ 31ന് വൈകുന്നേരം ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന ഖോകനെ ഒരു സംഘം തടഞ്ഞുനിർത്തുകയും മാരകായുധങ്ങൾ കൊണ്ട് ആക്രമിക്കുകയും ചെയ്തു. തുടർന്ന് ഇദ്ദേഹത്തിന്റെ ശരീരത്തിൽ പെട്രോൾ ഒഴിച്ച് തീകൊളുത്തുകയായിരുന്നു. എന്നാൽ ഉടൻ തന്നെ സമീപത്തെ കുളത്തിലേക്ക് ചാടിയതിനാൽ ഖോകൻ മരണത്തിൽ നിന്ന് രക്ഷപ്പെട്ടു. എങ്കിലും ശരീരമാസകലം ഗുരുതരമായി പൊള്ളലേറ്റ ഇദ്ദേഹത്തെ നാട്ടുകാർ ചേർന്ന് ശരിയത്‌പൂർ സദർ ആശുപത്രിയിൽ പ്രവേശിപ്പിച്ചു. ഇദ്ദേഹത്തിന്റെ നില അതീവ ഗുരുതരമാണെന്ന് ഡോക്ടർമാർ അറിയിച്ചു.