മനുഷ്യന് പകരമാകുമോ എഐ സാങ്കേതിക വിദ്യ? ഫ്രാൻസിലെ ഉച്ചകോടിയിൽ ഉത്തരം നൽകി പ്രധാനമന്ത്രി നരേന്ദ്ര മോദി

ഫ്രാൻസിൽ നടക്കുന്ന എഐ ഉച്ചകോടിയിൽ പങ്കെടുക്കുന്ന പ്രധാനമന്ത്രി നരേന്ദ്ര മോദി, ലോകത്ത് ഏറ്റവും കൂടുതൽ ചോദിക്കപ്പടുന്ന ചോദ്യത്തിന് ഉത്തരം നൽകി. ആർട്ടിഫിഷ്യൽ ഇന്റലിജൻസ് (എഐ) മനുഷ്യരുടെ ജോലികൾക്ക് പകരമാകുമോ എന്നതായിരുന്നു ആ ചോദ്യം. “സാങ്കേതികവിദ്യ കാരണം ജോലി നഷ്ടമാകുന്നില്ലെന്ന് ചരിത്രം തെളിയിച്ചിട്ടുണ്ട്. അതിന്റെ സ്വഭാവം മാറുകയും പുതിയ തരം തൊഴിലവസരങ്ങൾ സൃഷ്ടിക്കപ്പെടുകയുമാണ് ചെയ്യുക” പ്രധാനമന്ത്രി മോദി പറഞ്ഞു, “എഐ അധിഷ്ഠിത ഭാവിക്കായി നമ്മുടെ ജനങ്ങളുടെ നൈപുണ്യ വികസനത്തിലും പുനർ നൈപുണ്യ വികസനത്തിലും” നിക്ഷേപം നടത്തേണ്ടതുണ്ടെന്നും അദ്ദേഹം കൂട്ടിച്ചേർത്തു.