Aaradhya Bachchan | കുറ്റം പറഞ്ഞവർ നോക്കിയാട്ടെ; അമ്മയോളം മാത്രമല്ല, അമ്മ ഐശ്വര്യ റായിയെ പോലെത്തന്നെ മകൾ ആരാധ്യ

ഇരുവരിൽ 'ഹലോ മിസ്റ്റർ എതിർകച്ചി...' പാടിയും ആടിയും അഭിനയിച്ച നടി ഐശ്വര്യ റായിയെ (Aishwarya Rai) ഓർക്കുന്നുവോ? ഇളംപ്രായത്തിലെ ആ ഐശ്വര്യയുടെ മുഖം ഇനി കാണണമെങ്കിൽ ആ പഴയ ചിത്രങ്ങൾ പരതി പോകേണ്ട കാര്യമില്ല. മകൾ ആരാധ്യ (Aaradhya Bachchan) അമ്മയെ പോലെയായി വരികയാണ്. കഴിഞ്ഞ ദിവസം ആരാധ്യ ബച്ചൻ നടത്തിയ ഒരു പ്രകടനം കണ്ടവർ പലരും അമ്മയെപ്പോലെ തന്നെ മകൾ എന്ന് പറയാതെയിരുന്നില്ല

ധിരുഭായ് അംബാനി ഇന്റർനാഷണൽ സ്കൂൾ വിദ്യാർത്ഥികളാണ് ആരാധ്യ, തൈമൂർ അലി ഖാൻ പട്ടൗഡി, അബ്രാം ഖാൻ എന്നിവർ. ഇവരുടെ സ്കൂൾ ആന്വൽ ഡേ പരിപാടികളിലാണ് ആരാധ്യ ബച്ചനെ ഏവരും ശ്രദ്ധിച്ചത്. കുഞ്ഞുനാളിൽ ഐശ്വര്യയെ പോലെയല്ലല്ലോ മകൾ എന്ന് വിലപിച്ചവർക്കുള്ള മറുപടിയാണ് ഈ ചിത്രങ്ങൾ (തുടർന്ന് വായിക്കുക)

കുഞ്ഞായിരുന്നപ്പോൾ മുതൽ ഇന്നുവരെ എപ്പോഴും ഫ്രിൻജസ് ആയി നെറ്റിയിലേക്ക് വീണുകിടക്കുന്ന തലമുടിയാണ് ആരാധ്യയുടേത്. കുഞ്ഞിന്റെ നെറ്റിക്ക് എന്തോ കുഴപ്പമുണ്ട് എന്ന് വിലയിരുത്തുന്നതിലേക്കാണ് ഇത് ചെന്നെത്തിയത്. അവർക്കുള്ള മറുപടി കൂടി വന്നിരിക്കുകയാണ് ഇപ്പോൾ

എപ്പോഴും മകളുടെ കൈപിടിച്ച് മാത്രമാണ് ഐശ്വര്യ റായിയെ വീടിനു പുറത്ത് കാണുക. അതും വിമർശനത്തിന് പാത്രമായിരുന്നു. ആരാധ്യയുടെ കാലിന് എന്തോ കുഴപ്പം എന്നായിരുന്നു ഇതിന്റെ വ്യാഖ്യാനം

ആർച്ചീസിൽ ആരാധ്യയുടെ ജ്യേഷ്‌ഠൻ അഗസ്ത്യ നന്ദ, ഖുശി കപൂർ, സുഹാന ഖാൻ എന്നിവർ ചെയ്‌തതിനെക്കാൾ മികച്ച പ്രകടനമാണ് ഈ 12കാരിയുടേത് എന്ന് പലരും വിലയിരുത്തുന്നു. അച്ഛനും അമ്മയും മുത്തശ്ശി മുത്തച്ഛന്മാരും എല്ലാം ചേർന്ന വേദിയിലാണ് ആരാധ്യയുടെ പ്രകടനം

കഴിഞ്ഞ കുറച്ചു നാളുകളായി ഐശ്വര്യ ബച്ചൻ വീട്ടിൽ നിന്നും പടിയിറങ്ങി എന്നും, വിവാഹമോചനം നടക്കുമെന്നും പ്രവചിച്ചവർക്കു, ഈ പരിപാടിയിലെ കുടുംബത്തിന്റെ സാന്നിധ്യത്തേക്കാൾ മികച്ച മറുപടി വേറെയില്ല

കുടുംബം മുഴുവനും സ്കൂളിൽ കാറിൽ വന്നിറങ്ങുന്ന ദൃശ്യങ്ങൾ സോഷ്യൽ മീഡിയയിൽ വൈറലായി മാറാൻ അധികനേരം വേണ്ടിവന്നില്ല. ആരാധ്യയുടെ സ്റ്റേജിലെ പ്രകടനം അവർ എല്ലാപേരും ആസ്വദിച്ചു കാണുന്നതാണ് വീഡിയോയുടെ ഹൈലൈറ്റ്

ആരാധ്യ കുറച്ചു വർഷങ്ങൾ കൂടി കഴിഞ്ഞ് സിനിമയിൽ വരണം എന്ന ആവശ്യം ഇതോടെ ശക്തമാവുകയാണ്. പ്രേക്ഷകരെ കയ്യിലെടുക്കും വിധമാണ് ആരാധ്യ ബച്ചൻ സ്റ്റേജിൽ മാറ്റുരയ്ക്കുന്നത്