'ദുൽഖറും ഫഹദും ഒക്കെ കൈകാര്യം ചെയ്യുന്നത് കണ്ട് ഞെട്ടിയിട്ടുണ്ട്; പതുക്കെ എനിക്കും ട്രൈ ചെയ്യണം';കുഞ്ചാക്കോ ബോബൻ

മലയാളി മനസ്സിൽ അന്നും ഇന്നും എന്നും ചോക്ലേറ്റ് ഹീറോ ആരാണെന്ന് ചോദിച്ചാൽ ഒറ്റ ഉത്തരമെ ഉണ്ടാകും. അത് കുഞ്ചാക്കോ ബോബൻ തന്നെയാണ്. എന്നും വ്യത്യസ്തമായ കഥാപാത്രങ്ങൾ സിനിമ പ്രേമികള്‍ക്ക് നല്‍കാൻ താരം ശ്രമിക്കാറുണ്ട്.

ഇപ്പോഴിതാ അവസാനമായി മരണമാസ് റോളിൽ താരം എത്തുന്ന 'ചാവേർ' എന്ന ചിത്രത്തിനുള്ള കാത്തിരിപ്പിലാണ് ആരാധകർ.

രാഷ്ട്രീയവും പകയും സൗഹൃദവും പ്രമേയ പരിസരമാക്കിയുള്ള 'ചാവേർ' എന്ന ചിത്രത്തിൽ ഇതാദ്യമായാണ് കുഞ്ചോക്കോ ബോബനും ടിനു പാപ്പച്ചനും ഒരുമിക്കുന്നത്.

എന്നാൽ മറ്റ് ഭാഷകളിൽ താരത്തിൻരെ സാനിധ്യം കാണാറില്ല. മറ്റ് ഭാഷകളിൽ നിന്ന് അവസരം വന്നിട്ടും വേണ്ടെന്ന് വെക്കുകയായിരുന്നുവെന്ന് താരം തുറന്ന് പറഞ്ഞു. ഒരു പ്രമുഖ ചാനലിനു നൽകിയ അഭിമുഖത്തിലാണ് ഇക്കാര്യം കുഞ്ചാക്കോ തുറന്നപറയുന്നത്.

അത്തരത്തിലുള്ള ഓഫ‍റുകൾ ഒഴിവാക്കിയിട്ടുണ്ടെന്നും അതിന് പ്രധാനപ്പെട്ട കാരണം, മലയാളത്തിൽ അത്രയധികം എക്സൈറ്റിം​ഗ് ആയിട്ടുള്ള, സ്വപ്നം കണ്ടിട്ടുള്ള കഥാപാത്രങ്ങളും സിനിമകളും കിട്ടുന്നുണ്ട് എന്നുള്ളതാണെന്നും താരം തുറന്ന് പറഞ്ഞു.

ഒടിടി വന്നതിന് ശേഷം മലയാള സിനിമയ്ക്ക് ക്വാളിറ്റിയുള്ള ഒരു വെറൈറ്റി ഉണ്ടായിട്ടുണ്ടെന്നും അത്രത്തോളം മറ്റ് ഭാഷകൾക്ക് അവകാശപ്പെടാൻ സാധിക്കുമോ എന്ന കാര്യത്തിൽ സംശയമാണെന്നും താരം തുറന്ന് പറഞ്ഞു.

മറ്റ് ഭാഷകളില്‍ നിന്ന് എക്സൈറ്റഡ് ആയിട്ടുള്ള കഥകൾ വരുകയാണെങ്കിൽ അതിനോട് നീതിപുലർത്താൻ സാധിക്കുക ആണെങ്കിൽ ഉറപ്പായും ചെയ്യുമെന്നും താരം വ്യക്തമാക്കി.

ദുൽഖറും ഫഹദും ഒക്കെ മറ്റ് ഭാഷകൾ കൈകാര്യം ചെയ്യുന്നത് കണ്ട് ഞെട്ടിപ്പോയിട്ടുണ്ട്. പതുക്കെ പതുക്കെ അതെന്തായാലും ട്രൈ ചെയ്യണം.

കാശിന് വേണ്ടിയിട്ട് നമ്മൾ പടം ചെയ്യാൻ ഉദ്ദേശിക്കുന്നില്ല. സിനിമ നന്നാകുകയാണെങ്കിൽ അതെല്ലാം പുറകെ വരുമെന്നും താരം പറഞ്ഞു