രുദ്രാക്ഷം കഴുത്തിലിട്ട്, മേക്കപ്പില്ലാതെ അനുശ്രീ; ആത്മീയതയുടെ സമയമെന്ന് താരം

ഏറെ ആരാധകരുള്ള പ്രിയ താരമാണ് നടി അനുശ്രീ. നാടൻ കഥാപാത്രങ്ങളിലൂടെ എത്തി പ്രേക്ഷക മനസ്സിൽ സ്ഥാനം പിടിക്കാൻ താരത്തിനു സാധിച്ചു.

സോഷ്യൽ മീഡിയയില്‍ സജീവമായ താരം പങ്കുവയ്ക്കുന്ന എല്ലാ പോസ്റ്റുകളും ആരാധകർക്കിടയിൽ വൈറലാകാറുണ്ട്. എന്നാൽ ഇപ്പോഴിതാ താരം പങ്കുവച്ച പുതിയ പോസ്റ്റാണ് സോഷ്യൽ മീഡിയയിൽ ചർച്ചയാകുന്നത്.

രുദ്രാക്ഷം കഴുത്തിലിട്ട്, മേക്കപ്പില്ലാതെ നില്‍ക്കുന്ന ചിത്രങ്ങളാണ് താരം പങ്കുവയ്ക്കുന്നത്. ഒറ്റയ്ക്കുള്ള ജീവിതത്തെ കുറിച്ചും, ആത്മീയതയെ കുറിച്ചും പറഞ്ഞാണ് നടിയുടെ ഇന്‍സ്റ്റഗ്രാം പോസ്റ്റ്.

 ഇതിനൊപ്പം വളരെ പോസിറ്റീവായ ക്യാപ്ഷനും അനുശ്രീ നല്‍കിയിട്ടുണ്ട്. 'ആത്മീയതയുടെ സമയം. ഒന്നും പ്രതീക്ഷിക്കരുത്. ആരെയും കുറ്റപ്പെടുത്തരുത്. നിങ്ങളുടെ സന്തോഷവും സങ്കടങ്ങളും ഉള്ളില്‍ തന്നെ സൂക്ഷിക്കുക. എല്ലാം ശരിയാവും' എന്നാണ് അനുശ്രീ കുറിച്ചിരിയ്ക്കുന്നത്. 

നിമിഷ നേരത്തിനുള്ളിൽ താരം പങ്കുവച്ച പോസ്റ്റ് ചർച്ചയായിരിക്കുകയാണ്. പോസ്റ്റ് കണ്ട് നിരവധി പേരാണ് കമന്റുമായി എത്തുന്നത്. അനുശ്രീ ആത്മീയതയുടെ വഴിയിലേക്ക് പോയോ എന്നാണ് ആരാധകർ ചോദിക്കുന്നത്.