Nimisha Sajayan| ഇത് 'ഡസ്‌കി' ക്വീൻ ; സാരിയിൽ ഗ്ലാമറസായി നിമിഷ സജയൻ

തനി നാടൻ വേഷങ്ങളിലൂടെ മലയാളികളുടെ മനസ്സിൽ ഇടംനേടിയ താരമാണ് നിമിഷ സജയൻ. വ്യസ്തമായ കഥാപാത്രങ്ങളെ കൈകാര്യം ചെയ്ത തന്റെ അഭിനയചാരുത തെളിയിച്ച താരമാണ് നിമിഷ . സോഷ്യൽ മീഡിയയിൽ ആക്റ്റീവ് ആയ താരം തന്റെ പുതിയ ചിത്രങ്ങൾ പങ്കുവയ്ക്കുക പതിവാണ് .

നടിയുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് സമൂഹമാധ്യമങ്ങളിൽ ഇപ്പോൾ വൈറലായിരിക്കുന്നത്.കറുപ്പ് കളർ സാരിയിൽ അതീവ സുന്ദരിയായി ആണ് നിമിഷ എത്തിയിരിക്കുന്നത് .

അഭിനയപ്രാധാന്യമുള്ള നിരവധി വേഷങ്ങൾ ചെയ്തിട്ടുള്ള അഭിനേത്രിയാണ് നിമിഷ . ദ ഗ്രേറ്റ് ഇന്ത്യൻ കിച്ചൻ, ചോല, തുറമുഖം, നായാട്ട് തുടങ്ങിയ സിനിമകളിലെ കഥാപാത്രങ്ങളും ശ്രദ്ധേയമായിരുന്നു.

ഇതരഭാഷാ ചിത്രങ്ങളിൽ ഉൾപ്പടെ നിമിഷ സജയൻ ചുവടുറപ്പിച്ചുകഴിഞ്ഞു. ചുരുങ്ങിയ കാലത്തിനുള്ളിൽ നിരവധി പുരസ്കാരങ്ങളും സ്വന്തമാക്കി കഴിഞ്ഞു. ചോല, കുപ്രസിദ്ധ പയ്യൻ എന്നീ സിനിമകളിലെ അഭിനയത്തിന് മികച്ച നടിക്കുള്ള സംസ്ഥാന സർക്കാർ പുരസ്കാരം നിമിഷയ്ക്കായിരുന്നു.

മുംബൈയിൽ സ്ഥിരതാമസമാക്കിയ നിമിഷ, അഭിനേതാവ് എന്നതിന് പുറമെ ചിത്രകാരിയും നർത്തകിയുമാണ്. ആയോധനകലകളും അഭ്യസിക്കുന്നുണ്ട്.