Amala Paul | 'ഇതിലാരാ ഗർഭിണി'; അമല പോൾ പങ്കുവെച്ച ചിത്രത്തിന് കമന്റുകളുടെ പ്രവാഹം

അമ്മയാകാൻ പോകുന്നുവെന്ന സന്തോഷവാര്‍ത്ത കഴിഞ്ഞ ദിവസം മുമ്പാണ് നടി അമല പോള്‍ സോഷ്യല്‍ മീഡിയയിലൂടെ പങ്കുവച്ചത്. പങ്കാളിയുടെയും തന്‍റെയും ചിത്രങ്ങള്‍ പങ്കിട്ടുകൊണ്ടാണ് ആരാധകര്‍ക്കും ഫോളോവേഴ്സിനുമായി സന്തോഷവാര്‍ത്തയും കുറിച്ചത്.

ഇതിന് ശേഷം ഇപ്പോഴിതാ ഭർത്താവിനെ കളിയാക്കി ചിത്രങ്ങൾ പങ്കുവെച്ചിരിക്കുകയാണ് താരം. ഭർത്താവിന്റെ കുടവയറിനെ കളിയാക്കിയാണ് 'ഞങ്ങൾ ഗർഭിണികളാണ്' എന്ന അടിക്കുറിപ്പോടെയാണ് ചിത്രങ്ങൾ പങ്കുവെച്ചത്.

'നിങ്ങൾക്കറിയാമോ? ഗർഭകാലത്ത് ഒരു പുരുഷന്റെ ആമാശയം ഭാര്യയുടേതിന് തുല്യമായി വളരുമെന്ന് ഗവേഷണങ്ങൾ വെളിപ്പെടുത്തുന്നു!  കെട്ടുകഥകൾ പൊളിച്ചെഴുതാനുള്ള സമയം - ഇത് "അവൾ ഗർഭിണിയാണ്" മാത്രമല്ല, "ഞങ്ങൾ ഗർഭിണികളാണ്!" ക്ഷമിക്കണം ഭർത്താവെ', എന്ന അടിക്കുറിപ്പോടെയാണ് താരം ചിത്രങ്ങൾ പങ്കുവെച്ചത്.

വീഡിയോ പങ്കുവച്ചതിനു പിന്നാലെ നിരവധി പേരാണ് കമന്റുമായി എത്തുന്നത്.

2023 നവംബര്‍ ആദ്യ വാരമായിരുന്നു അമല പോളും ജഗദ് ദേശായിയും വിവാഹിതരായത്. കൊച്ചിയിലെ സ്വകാര്യ ഹോട്ടലിൽ വെച്ചായിരുന്നു വിവാഹം.