Amrutha Suresh|'ആശ്വാസത്തിന് വകുപ്പുണ്ടെന്നല്ലേ അശരീരി കേട്ടത്'; ക്ഷേത്രത്തിൽ പോയി തൊഴുത് പ്രസാദവുമായി അമൃത സുരേഷ്

മലയാളികൾക്ക് ഏറെ പ്രിയങ്കരിയായ ഗായികയാണ് അമൃത സുരേഷ്(Amrutha Suresh). തന്റെ ശബ്ദ മാധുര്യത്തിലൂടെ നിരവധി ആരാധകരെ സൃഷ്ടിക്കാൻ അമൃതയ്ക്ക് സാധിച്ചു.

സോഷ്യൽ മീഡിയയിൽ വളരെ സജീവമാണ് അമൃത(Amrutha Suresh). ഇപ്പോഴിതാ ഇൻസ്റ്റ​ഗ്രാമിൽ അമൃത പങ്കുവെച്ച പുതിയ ചിത്രവും അതിന് നൽകിയിരിക്കുന്ന ക്യാപ്ഷനുമാണ് ശ്രദ്ധ നേടുന്നത്.

ക്ഷേത്രമുറ്റത്ത് നിൽക്കുന്ന ചിത്രമാണ് അമൃത(Amrutha Suresh) പങ്കുവെച്ചത്. കയ്യിൽ പ്രസാദവും നെറ്റിയിൽ ചന്ദനവും ചാർത്തിയാണ് അമൃതയുടെ നിൽപ്പ്. ആദ്യ ചിത്രത്തിൽ കൈ തൊഴുന്നതുപോലെയുള്ള ഇമോജിയാണ് നൽകിയിരിക്കുന്നത്. രണ്ടാമത്തെ ചിത്രത്തിൽ 'സ്നേഹം പ്രാർത്ഥനകൾ' എന്നും കുറിച്ചിരിക്കുന്നു.

മുൻ ഭർത്താവ് ബാല(Actor Bala)യുടെ വിവാഹ വാർത്തകൾക്ക് തൊട്ടുപിന്നാലെയാണ് അമൃത(Amrutha Suresh)യുടെ ഈ പോസ്റ്റും. ഇതോടെ കമ്മന്റുകളുമായി എത്തുകയാണ് ആരാധകർ.

'ആശ്വാസത്തിന് വകുപ്പുണ്ടെന്നല്ലേ അശരീരി കേട്ടത്','അമൃതയുടെ പ്രാർത്ഥന ദൈവം കേട്ടു', 'ഇനി സമാധാനം ഉണ്ടാകട്ടെ', 'ശക്തയായി മുന്നോട്ടുപോകുക', 'സ്നേഹം മാത്രം' എന്നിങ്ങനെ പോകുന്നു അമൃത സുരേഷിന്റെ ചിത്രങ്ങൾക്ക് താഴെയുള്ള കമന്റ്.

മുൻ ഭർത്താവ് ബാല(Actor Bala)യ്ക്കെതിരെ അമൃത നൽകിയ പരാതിക്ക് പിന്നാലെ നടനെ പോലീസ് അറസ്റ്റ് ചെയ്തിരുന്നു. ബുധനാഴ്ചയായിരുന്നു ബാലയുടെ നാലാമത്തെ വിവാഹം മുറപ്പെണ്ണ് കോകിലെയാണ് ബാല വിവാഹം ചെയ്തത്.