ഇന്ന് മകൾക്ക് ഇതേ മുഖഛായ; കുട്ടിക്കാലത്തേക്ക് മടങ്ങാൻ കൊതിക്കുന്ന താരത്തിന്റെ നൊസ്റ്റാൾജിയ

മുതിർന്നാൽ പിന്നെ കുട്ടിക്കാലം ഒരിക്കലെങ്കിലും തിരികെ കിട്ടിയാൽ മതിയായിരുന്നു എന്ന് സ്വപ്നം കാണാത്തവരുണ്ടോ? ഇതാ അത്തരത്തിൽ സ്വപ്നം കാണുന്ന മറ്റൊരു കുട്ടി. ഈ കുട്ടി ഇന്ന് ഇതിനെക്കാളും അൽപ്പം കൂടി പ്രായമുള്ള മകളുടെ അമ്മയാണ്. എന്നാലും കുഞ്ഞുനാളിലെ മുഖച്ഛായ കണ്ടാൽ അമ്മയേത് മകളേത് എന്ന് പറയാൻ അവരുടെ ഏറ്റവും വലിയ ഫാൻസ്‌ പോലും അൽപ്പം ചുറ്റിപ്പോകും

മലയാളികളെ പെർഫോമൻസ് കൊണ്ട് കൗമാരക്കാലം മുതൽ കയ്യിലെടുക്കാൻ പഠിച്ച യുവതിയും അനുജത്തിയുമാണ് ഇവർ. മറ്റൊരാൾ അഭിനയത്തിൽ തുടങ്ങി രുചികരമായ ഭക്ഷണങ്ങൾ ഉണ്ടാക്കി തുടങ്ങിയിരിക്കുന്നു. രണ്ടുപേരും വിവാദങ്ങളുടെ കാര്യത്തിലും പിന്നിലല്ല എന്ന് പറയേണ്ടി വരും (തുടർന്ന് വായിക്കുക)

തന്റെ അതേ മുഖമുള്ളയാൾ മകൾ ആണെങ്കിലും, താരം തന്റെ ആദ്യത്തെ കുഞ്ഞ് എന്ന് ഇന്നും വിളിക്കുന്നത് അനുജത്തിയെയാണ്. ആമുഖം ആവശ്യമില്ലാത്തവരാണ് ഇവർ രണ്ടുപേരും

ആദ്യ ചിത്രത്തിൽ കണ്ടത് ഗായിക അമൃത സുരേഷിനെയാണ്. കുട്ടിക്കാലത്തേക്ക് മടങ്ങാനുള്ള ആഗ്രഹമാണ് അമൃത ക്യാപ്ഷ്യനായി നൽകിയത്. മകൾ പാപ്പുവുമായി ഏറെ മുഖസാദൃശ്യമുണ്ട് അമൃതയുടെ കുഞ്ഞുനാളിലെ ചിത്രത്തിനും

'സ്റ്റാർ സിംഗർ' റിയാലിറ്റി ഷോയിലൂടെയാണ് അമൃത സുരേഷ് ഗാനരംഗത്തേക്ക് കടന്നു വന്നത്. അന്ന് ഒപ്പം വന്നിരുന്ന അഭിരാമി സുരേഷും പലപ്പോഴും ജഡ്ജ്, പ്രേക്ഷകർ എന്നിവരുടെ ശ്രദ്ധ പിടിച്ചുപറ്റിയിരുന്നു

പിതാവ് സുരേഷ് പുല്ലാങ്കുഴൽ വിദ്വാനായിരുന്നതിനാൽ, കുഞ്ഞുനാൾ മുതലേ അമൃത സംഗീതം അഭ്യസിച്ചിരുന്നു. റിയാലിറ്റി ഷോയ്ക്ക് പിന്നാലെ സിനിമാ പിന്നണി ഗാനരംഗത്തും അമൃത സുരേഷ് കടന്നുവന്നു

2007ലെ 'വാമനപുരി' എന്ന ചിത്രത്തിൽ പാടിത്തുടങ്ങിയ അമൃത ഇതുവരെ 12 ഗാനങ്ങൾ സിനിമയ്ക്ക് വേണ്ടി പാടി. 'സൂഫിയും സുജാതയും' എന്ന ചിത്രത്തിലാണ് ഏറ്റവും ഒടുവിൽ അമൃത പാട്ടുപാടിയത്