ഇവര്‍ വിവാഹിതരാകുന്നുവോ ? അവസാനം സത്യം വെളിപ്പെടുത്തി ബിഗ്ബോസ് താരങ്ങളായ റെനീഷയും വിഷ്ണുവും

ബിഗ് ബോസ് മലയാളം പതിപ്പിന്‍റെ അഞ്ചാം സീസണിലുടെ പ്രേക്ഷകര്‍ക്ക് പ്രിയങ്കരരായി മാറിയ മത്സരാര്‍ത്ഥിയാണ് റെനീഷ റഹ്മാന്‍. ടെലിവിഷന്‍ സീരിയല്‍ താരമായിരുന്ന റെനീഷ മത്സരത്തിലെ റണ്ണറപ്പായിരുന്നു. 

സീസണിലുടനീളം മികച്ച പ്രകടനം കാഴ്ചവെച്ച റെനീഷ ടാസ്കുകളിലും മറ്റും നടത്തിയ പെര്‍ഫോര്‍മന്‍സ് താരത്തിന് നിരവധി ആരാധകരെ സമ്മാനിച്ചിരുന്നു.

അടുത്തിടെ ബിഗ് ബോസിലെ സഹമത്സരാര്‍ത്ഥിയായിരുന്ന വിഷ്ണു ജോഷിക്കൊപ്പമുള്ള റെനീഷയുടെ കുറച്ച് ചിത്രങ്ങള്‍ സോഷ്യല്‍ മീഡിയയില്‍ വൈറലയിരുന്നു.

ബ്രൈഡല്‍ കോസ്റ്റ്യൂമിലുള്ള റെനീഷയുടെയും വിഷ്ണുവിന്‍റെയും ചിത്രങ്ങള്‍ വൈറലായതോടെ ഇരുവരും വിവാഹിതരാകുന്നു എന്നൊക്കെ വാര്‍ത്തകളും പരന്നു.

റിങ്കു-വിങ്കു ജോഡികള്‍ എന്ന പേരിലാണ് ബിഗ് ബോസ് ഷോയില്‍ ഇരുവരും അറിയപ്പെട്ടിരുന്നത്. ഇരുവരും തമ്മിലുള്ള സുഹൃത്ത് ബന്ധം ആരാധകര്‍ക്കിടയില്‍ ചര്‍ച്ചയായിരുന്നു.

ഒരു ഘട്ടത്തില്‍ വിഷ്ണുവുമായി റെനീഷ പ്രണയത്തിലാണെന്ന് വരെ ഗോസിപ്പുകള്‍ പരന്നെങ്കിലും ഇക്കാര്യം ഇരുവരും നിഷേധിച്ചിരുന്നു.

ഇപ്പോഴിതാ വൈറലായ ചിത്രങ്ങള്‍ക്ക് പിന്നിലെ വാസ്തവവും റെനീഷയും വിഷ്ണുവും വെളിപ്പെടുത്തിയിരിക്കുകയാണ്. സോഷ്യല്‍ മീഡിയയില്‍ പങ്കുവെച്ച വീഡിയോയിലൂടെയായിരുന്നു പ്രതികരണം.

ആ ചിത്രങ്ങള്‍ ഒരു ഫോട്ടോഷൂട്ടിന് വേണ്ടിമാത്രം ഉള്ളതായിരുന്നുവെന്നും ലൈഫില്‍ രണ്ട് പേരും നല്ല സുഹൃത്തുക്കളാണെന്നുമാണ് വിഷ്ണുവിന്‍റെ പ്രതികരണം

‘‘അങ്ങനെ അവസാനം അത് സംഭവിച്ചു’’ എന്ന തലക്കെട്ടോടെയായിരുന്നു വിഷ്ണു പുതിയ വിഡിയോ പങ്കുവച്ചത്. ഫോട്ടോഗ്രാഫര്‍ ശ്രീജിത്ത് രാധാകൃഷ്ണനാണ് ചിത്രങ്ങള്‍ക്ക് പിന്നില്‍.