ശരീരഭാരം കുറയ്ക്കാൻ 2 വർഷം ബ്രെഡ് കഴിക്കാതിരുന്ന നടൻ; രഹസ്യങ്ങൾ പങ്കുവെച്ച് പരിശീലകൻ

ഇന്ത്യൻ സിനിമയിലെ ഒരു മുൻനിര നടൻ ശരീരഭാരം കുറയ്ക്കാൻ വേണ്ടി ഏകദേശം 2 വർഷമായി ബ്രെഡ് കഴിച്ചിട്ടില്ല

അദ്ദേഹത്തിന്റെ ഫിറ്റ്നസ് പരിശീലകൻ പങ്കുവെച്ച വിവരങ്ങൾ ആരാധകർക്കിടയിൽ വൈറലായിരിക്കുകയാണ്.

ലളിത ഭക്ഷണം, സമർപ്പണം എന്നിവയാണ് പ്രധാനമെന്നാണ് രൺബീർ കപൂറിൻ്റെ ഫിറ്റ്‌നസ് പരിശീലകൻ ശിവോഗം ഒരു അഭിമുഖത്തിൽ പറഞ്ഞത്.

ഏകദേശം 900 കോടി രൂപ കളക്ഷൻ നേടി റെക്കോർഡ് സൃഷ്ടിച്ച 'അനിമൽ' എന്ന ചിത്രത്തിലെ രൺബീറിൻ്റെ രൂപമാറ്റം വലിയ ശ്രദ്ധ നേടിയിരുന്നു. 43 വയസ്സുകാരനായ താരം കഴിഞ്ഞ കുറച്ച് വർഷങ്ങളായി ഫിറ്റ്‌നസിൽ അതീവ ശ്രദ്ധ ചെലുത്തി വരികയാണ്.

രൺബീർ കപൂറിന് മധുരപലഹാരങ്ങളോ വറുത്ത ഭക്ഷണങ്ങളോ ഇഷ്ടമല്ല. അദ്ദേഹം ലളിതമായ ഭക്ഷണക്രമം പിന്തുടരുകയും വീട്ടിൽ പാകം ചെയ്ത ഭക്ഷണം മാത്രമേ കഴിക്കാറുള്ളൂവെന്നും പരിശീലകൻ വെളിപ്പെടുത്തി.

ശരീരഭാരം കുറയ്ക്കുന്നതിൻ്റെ ഭാഗമായി, രണ്ട് വർഷത്തോളം ബ്രെഡ് ഒഴിവാക്കി, പകരം ബ്രൗൺ റൈസ് ആണ് ഭക്ഷണത്തിൽ ഉൾപ്പെടുത്തിയിരുന്നത്.

സമർപ്പണത്തിലൂടെ മാത്രമേ ഫിറ്റ്‌നസ് സാധ്യമാകൂ എന്നാണ് പരിശീലകൻ്റെ അഭിപ്രായം.

സഞ്ജയ് ലീല ബൻസാലിയുടെ 'ലവ് ആൻഡ് വാർ' എന്ന ചിത്രമാണ് രൺബീർ കപൂറിൻ്റേതായി അടുത്തതായി പുറത്തിറങ്ങാനുള്ളത്. ഇതിന് ശേഷം വരാനിരിക്കുന്ന 'ഗ്രാൻഡ് രാമായണം' സിനിമയിൽ അദ്ദേഹം രാമൻ്റെ വേഷത്തിലെത്തും.