'മേനിപ്രദർശനം മാത്രം, മുഖം സുന്ദരമല്ല'; പരിഹാസ കമന്റിന് ചുട്ടമറുപടിയുമായി മഞ്ജുപിള്ളയുടെ മകള്‍

നടി മഞ്ജു പിള്ളയുടെയും (Manju Pillai) ഛായാഗ്രാഹകൻ സുജിത് വാസുദേവന്റെയും (Sujith Vasudev) മകൾ ദയ സുജിത് (Daya Sujith) സോഷ്യൽ മീഡിയയിലെ താരമാണ്. മോഡൽ കൂടിയാായ ദയ തന്റെ ചിത്രങ്ങളും ഫോട്ടോഷൂട്ടുമെല്ലാം ഇൻസ്റ്റയിൽ പങ്കുവെക്കാറുണ്ട്.

രാജ്യാന്തര മോഡലുകളെ പോലെ വളരെ ബോൾഡായ ഫോട്ടോ ഷൂട്ടുകളിലാണ് ദയയെ കാണാറുള്ളത്. അത്തരത്തിൽ വന്ന ഒരു ചിത്രത്തിന് താഴെ വന്ന പരിഹാസ കമന്റിന് ചുട്ടമറുപടിയുമായി രംഗത്ത് വന്നിരിക്കുകയാണ് ദയ സുജിത് ഇപ്പോൾ.

'നിന്റെ മുഖം ഒട്ടും സുന്ദമല്ല. വെറും മേനിപ്രദർശനം മാത്രം. നിന്നെ കാണാന്‍ ഒരു ശരാശരി പെണ്‍കുട്ടിയെ പോലെയേ ഉള്ളൂ' എന്നായിരുന്നു ഒരു കമന്റ്. ഇന്‍സ്റ്റഗ്രാം സ്‌റ്റോറിയിലൂടെ ദയ ഇതിന് മറുപടി നല്‍കി.

'നിങ്ങള്‍ പറഞ്ഞത് വളരെ ശരിയാണ് ആന്റി. നിങ്ങളെ പോലെ സുന്ദരിയാകാന്‍ സാധിച്ചിരുന്നെങ്കില്‍ എന്ന് ഞാന്‍ ആഗ്രഹിച്ചു പോകുകയാണ്' എന്നാണ് ദയ മറുപടി നല്‍കിയത്.

കമന്റിന്റെ സ്‌ക്രീന്‍ ഷോട്ടുകളും കമന്റിട്ടയാളുടെ ചിത്രവും ദയ പങ്കുവെച്ചിട്ടുണ്ട്. ഇതോടെ തന്റെ ഫോളോവേഴ്സിന്റെ എണ്ണം കൂടിയെന്ന് കാട്ടി കമന്റിട്ട യൂസർ രംഗത്തുവന്നു. ഈ അമ്മച്ചിക്ക് ഫോളോവേഴ്സിനെ കൂട്ടാൻ എല്ലാ സഹായങ്ങളും ചെയ്തു നൽകണമെന്ന് ഫോളോവേഴ്സിനോട് അഭ്യർത്ഥിച്ച് വീണ്ടും ദയ സ്റ്റോറി പോസ്റ്റ് ചെയ്തു

നിലവില്‍ ഇറ്റലിയില്‍ പഠിക്കുന്ന ദയ മോഡലിങ്ങില്‍ സജീവമാണ്. മകൾ വളരെ ബോൾ‍ഡ് ആൻഡ് ഇന്റിപെന്റന്റ് ആണെന്ന് മഞ്ജുപിള്ള നേരത്തേ ഒരു അഭിമുഖത്തിൽ പറഞ്ഞിരുന്നു.

നിലവില്‍ ഇറ്റലിയില്‍ പഠിക്കുന്ന ദയ മോഡലിങ്ങില്‍ സജീവമാണ്. മകൾ വളരെ ബോൾ‍ഡ് ആൻഡ് ഇന്റിപെന്റന്റ് ആണെന്ന് മഞ്ജുപിള്ള നേരത്തേ ഒരു അഭിമുഖത്തിൽ പറഞ്ഞിരുന്നു.

സിനിമകളിലേക്ക് ഓഫർ വന്നിട്ടുണ്ടെന്നും മോഡലിങും തനിക്ക് പാഷനാണെന്നും പല ബ്രാൻഡുകളുടേയും ഓഫർ തനിക്ക് വരുന്നുണ്ടെന്നും ദയ വ്യക്തമാക്കിയിരുന്നു.