Ustaad Bhagat Singh | വിജയ് ചിത്രത്തിന്‍റെ തെലുങ്ക് റീമേക്ക്; പവന്‍ കല്യാണിന്‍റെ അമ്മയായി ഗൗതമി ?

തെലുങ്ക് സൂപ്പര്‍ താരം പവന്‍ കല്യാണ്‍ നായകനാകുന്ന ഏറ്റവും പുതിയ സിനിമയാണ് ഉസ്താദ് ഭഗത് സിങ്. ഹരിഷ് ശങ്കര്‍ സംവിധാനം ചെയ്യുന്ന സിനിമയില്‍ ഒരു പോലീസുകാരന്‍റെ വേഷത്തിലാണ് താരമെത്തുന്നത്.

തമിഴില്‍ സൂപ്പര്‍ ഹിറ്റായി മാറിയ അറ്റ്ലി- വിജയ് ടീമിന്‍റെ തെരി എന്ന ചിത്രത്തിന്‍റെ തെലുങ്ക് പതിപ്പാണ് ഉസ്താദ് ഭഗത് സിങ്.

സിനിമയുടെ ആക്ഷന്‍ രംഗങ്ങള്‍ ചിത്രീകരിക്കുന്നതിനായി പവന്‍ കല്യാണ്‍ ഹൈദരബാദിലെ ലോക്കെഷനിലെത്തിയിരുന്നു.

തെരിയുടെ യഥാര്‍ത്ഥ കഥയില്‍ നിന്നും പല മാറ്റങ്ങളും വരുത്തിയാണ് സംവിധായകന്‍ സിനിമ ഒരുക്കുന്നത്. ചുരുക്കി പറഞ്ഞാല്‍ വിജയ് ചിത്രത്തിന്‍റെ ഒരു പവന്‍ കല്യാണ്‍ വേര്‍ഷനായിരിക്കും ഇത്.

ഇപ്പോഴിതാ സിനിമയിലെ നായികമാരെ സംബന്ധിച്ച റിപ്പോര്‍ട്ടുകളാണ് സോഷ്യല്‍ മീഡിയയില്‍ ചര്‍ച്ചയാകുന്നത്. നടി ശ്രീ ലീല, സാക്ഷി വൈദ്യ എന്നിവരെയാണ് ചിത്രത്തില്‍ നായികമാരായി എത്തുന്നത്

തമിഴില്‍ സമാന്തയും എമി ജാക്സണും അവതരിപ്പിച്ച വേഷങ്ങളിലേക്കാണ് ഇവരെ എത്തിക്കുന്നത്. എന്നാല്‍ ഏജന്‍റ് , ഗാണ്ഡീവധാരി അര്‍ജുന എന്നി സിനിമകളുടെ തുടര്‍പരാജയം മൂലം സാക്ഷി വൈദ്യയെ മാറ്റാന്‍ അണിയറക്കാര്‍ ആലോചിക്കുന്നതായാണ് റിപ്പോര്‍ട്ട്. ( Photos : Instagram )

സിനിമയില്‍ വലിയ ഇംപാക്ട് ഉണ്ടാക്കാന്‍ സാക്ഷിക്ക് കഴിയിലെന്ന വിലയിരുത്തലിലാണ് നായികയെ മാറ്റാന്‍ അണിയറക്കാര്‍ ആലോചിക്കുന്നത്. എന്നാല്‍ ഇതിന് ഔദ്യോഗിക അറിയിപ്പുകളൊന്നും വന്നിട്ടുമില്ല.,

മറ്റൊരു പ്രധാന വിവരം ചിത്രത്തില്‍ പവന്‍ കല്യാണിന്‍റെ അമ്മയുടെ വേഷം ചെയ്യാന്‍ തമിഴ് നടി ഗൗതമി എത്തി എന്നാണ് റിപ്പോര്‍ട്ട്.

തമിഴില്‍ വിജയുടെ അമ്മയായെത്തിയത് രാധിക ശരത്കുമാര്‍ ആയിരുന്നു. ഇരുവരും തമ്മിലുള്ള കോംബിനേഷന്‍ ഏറെ ശ്രദ്ധിക്കപ്പെട്ടിരുന്നു.

52 കാരനായ പവന്‍ കല്യാണിന് 55 കാരിയായ ഗൗതമി അമ്മയായി അഭിനയിക്കുന്നു എന്ന വാര്‍ത്ത ആരാധകരിലും ആശയക്കുഴപ്പം ഉണ്ടാക്കുന്നുണ്ട്.