ഇതാണ് ‘ഗോപുര’; പുതിയ വിശേഷം പരിചയപ്പെടുത്തി ജിപിയും ഗോപികയും

ആരാധകരേറെയുള്ള താരങ്ങളാണ് ജിപി എന്ന് അറിയപ്പെടുന്ന ഗോവിന്ദ് പത്മസൂര്യയും ഗോപികയും.

ഇരുവരുടെയും വിവാഹവും അതിനുശേഷമുള്ള ഓരോ വിശേഷവും ട്രെന്‍ഡിങ് ആകാറുണ്ട്.

പതിവായി യൂട്യൂബ് വിഡിയോകള്‍ പങ്കുവയ്ക്കാറില്ലെങ്കിലും വിശേഷങ്ങളെല്ലാം ആരാധകരെ ഇവര്‍ അറിയിക്കാറുണ്ട്.

ജിപിയും ഗോപികയും പുതിയ വീട് വാങ്ങിയ സന്തോഷം ആരാധകരെ ഇരുവരും അറിയിച്ചിരുന്നു.

കൊച്ചി മറൈൻഡ്രൈവിൽ ഒരു ആഡംബര ഫ്ലാറ്റാണ് ഇവര്‍ സ്വന്തമാക്കിയിരിക്കുന്നത്. ശോഭ മറീന വൺ എന്ന ഫ്ലാറ്റ് സമുച്ചയത്തിലെ 27ാം നിലയിലാണ് പുതിയ ഫ്ലാറ്റ്.

ജനുവരി മാസത്തിലായിരുന്നു വിവാഹമെങ്കിലും, ഇവരുടെ വിവാഹ നിശ്ചയത്തിന്റെ ഒന്നാം വാർഷികം കഴിഞ്ഞിരിക്കുന്നു. വിവാഹനിശ്ചയത്തിന്‍റെ ഒന്നാം വാർഷികത്തിലാണ് പുതിയ ഫ്ലാറ്റ് ജിപിയും ഗോപികയും വാങ്ങിയത്.

എല്ലാവരുടെയും അനുഗ്രഹവും പ്രാര്‍ഥനയുമുണ്ടാകണം എന്ന കുറിപ്പിനൊപ്പം ഫ്ലാറ്റിലെ പാലുകാച്ചല്‍ ചടങ്ങിന്‍റെ വിഡിയോ ഇവര്‍ സമൂഹമാധ്യമത്തില്‍ പങ്കുവച്ചിരുന്നു.

‘ഗോപുര’ എന്നാണ് പുതിയ ഫ്ലാറ്റിന് ദമ്പതികള്‍ പേരിട്ടിരിക്കുന്നത്. ഗോവിന്ദ്, ഗോപിക എന്നീ പേരുകൾ കൂട്ടിച്ചേർത്താണ് വീടിന് പേരിട്ടത് എന്ന് ഇരുവരും പറയുന്നു.

തിരുവോണ ദിനത്തിലായിരുന്നു പാലുകാച്ചൽ ചടങ്ങ് നടത്തിയത്. ഇപ്പോൾ ഈ വീടിന്റെ ഹോം ടൂറാണ് താരദമ്പതികൾ പങ്കുവെക്കുന്നത്.